難忘的哥哥學校生日會

仲記得我細細個, 同朗朗都一樣

都會好緊張, 好期待學校舉辦0既生日會0架

上年, 朗朗仲係好細

學校生日會係乜, 佢都仲未知.....

今年, 真係大喇

佢非常咁緊張, 非常咁鎮奮

生日會前0個晚, 佢一臉興奮咁同我講:

媽咪, 我真係好緊張呀!!!

當佢咁講時, 我真係覺得佢好可愛, 好攪笑

咁小事都要冷緊張....

不過, 對小朋友黎講, 或者生日會就係佢0既人生大事吧

佢地就係咁0架喇, 好小0既事, 都足夠讓佢地開心一整日!!!

一覺訓醒0既第二朝

原先諗住開開心心番學去

點知, 唔好0既事, 就發生喇

朗朗佢一早起黎, 就有幾聲咳喇

不過, 我冇理喇

今日, 係佢生日party, 點可以唔俾佢番學呢....

而且, 當時就真係只有幾聲咳

點知, 坐船出去時

朗朗佢, 愈咳就愈嚴重

好似仲有小小哮喘番發咁添

我0個下都覺得, 佢咳成咁, 真係唔應俾佢番學

然後, 朗朗就喊起黎喇......

佢同我講: 媽咪, 我番唔到學喇.... 我咳, 傷風, 我番唔到學喇

老師話咳, 傷風唔番得學0架....

都未講完咋, 就見佢兩行眼淚"壁啪"咁流落黎喇

你知嘛, 見到個仔咁想番學, 但又明知佢唔番得學

作為媽媽, 會有幾咁難過呀????

但我真係有小小自私, 我真係好想阿仔可以番學

所以, 我最後決定買個口罩就俾佢番學.....

之但係, 朗朗學校0的公民意識, 可能都教得幾好

佢一路都堅持自己唔番得學

我於是, 同佢講, 你飲小小暖水啦, 一陣可能會好0的架喇

咁喇, 我地一齊坐車番學, 如果番到學校, 你仲係咳得咁嚴重

我地就同老師講, 切完蛋糕就走人......

就係咁, 我地就一齊番學喇.....

好, 去相
(今篇Blog 並沒有太多相, 希望蚊姐姐唔好嫌三嫌四)

哥哥今次真係好隆重其事呢個生日會0架
生日會前0既0個晚, 我同朗朗講, 不如聽日著呢件啦
講真....呢件個樣都唔差呀....
點知, 個衰仔居然同我講: 呢件上次著過!!!

0個晚, 同佢揀左好耐衫

奄尖0既佢, 最後決定要著呢件.....

大家認得嗎?????

呢件衫仔, 查實係細佬豬0架

平時, 我都見朗朗成日讚細佬呢件衫靚0架啦

我諗..... 佢應該候實左呢件戰衣好耐0架喇

今次, 終於忍唔住喇.....

揀衫揀得咁鬼開心

點諗到第二朝佢居然會咳到差小小甩肺咁滯架!!!

呢個蛋糕, 最後有得睇, 朗朗冇得食

雖然冇得食蛋糕

但幸運就係, 呢日, 佢總算番到學

上到學校之後

朗朗離奇地, 咳小左好多好多

老師觀察左佢半個鐘之後, 就叫我離開啦

呵, 見到阿仔有得參加自己0既生日會

我真係好好好開心耶......

你知嘛, 0係船上面見到佢咁失望0既神情, 我真的有說不出的難過.....

終於明白, 乜野叫做你快樂, 所以我快樂....

終於知道, 乜野叫做你沮喪時, 我折墜啦....

 HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!