坪洲 . 爸爸的樂園

大家好, 我係鴻仔!

嘩.....真係好耐無寫過BLOG啦......

因工作太忙, 一有時間多都要掛住瞓覺, 又點會寫BLOG,

可況我屋企仲有三隻化骨龍等緊我陪佢地玩!!!

無錯......係陪佢地三隻化骨龍玩......

咁玩落去.........我真係會被玩殘架............

啊朗一知我難得有一日假期,

問朗去邊, 朗二話不說去坪洲!!!

一到坪洲, 又見魚仔喊, 

我都好想喊啊!!!

如果我可以好似魚仔咁......一踢走對鞋就表示自己好肚餓.......

咁我應該就可以好似成個大爺咁ge款.....輕輕一踢就能飯來張口.....爽!!!

其實我可以幫魚仔解釋一下.....

細佬唔係咁GE人, 而係好想落地地, 無法啦, 佢有口難言!!!

都無謂深究原因, 最重要係唔好喊,

好簡單........食+食+食+食+食=唔好喊

我好鐘意呢條方程式!!! 100%對!!!

又睇下另一邊箱, 朗朗做緊乜???

當然又係租單車!!!

每一次到坪洲, 必定租單車!!!

我仲記得想當年........

到左我呢個年紀, 我終於可以同人講"想當年"!!!

想當年要踩單車一定要去大圍租單車.....一路沿著吐路港直闖大埔!!!

對我來說, 今時今日踩單車一定要去坪洲, 一路沿著海邊直闖坪洲的盡頭!!!

一人一部戰車, 飛奔坪洲盡頭!!!

魚仔都有一部戰車

由從前出生入死的老友一齊踩單車

到今時今日變左同兩個年少無知的細路踩單車!!!

要行高速單車, 朗朗有一個必殺技, 

就係要除左對鞋踩單車,

果真踩得好快, 勁!!!

魚仔每一次都好想上部單車feel下朗朗嗰種高速感覺!!!

講實話 "細佬, 細細聲話你知, 其實你跑得仲快過哥哥駕駛嗰部單車!!!"

坐下HEA下又一日, 遠離都市, 幾好啊!!!

又要想當年, 

想當年要食泰國嘢, 一定要落九龍城食!!!

今時今日食泰國嘢, 當然要落坪洲啦!!!

                                                                    坪洲有好幾間食泰國嘢, 正!!!

又單車又有泰國嘢食.....大愛!!!!!

下次仲可以喺坪洲街市買海鮮, 去酒樓煮唻食, 勁似想當年流浮山食海鮮feel!!!

我係唔係好煩啊! 不停想當年! 

鴻伯就係我啦!

 HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!