朗朗四歲生日

大家好, 我係鴻仔!!!

喺四年前的今日(20100110), 我帶著無比的勇氣迎接朗朗這個小生命!!!

至於點解要無比勇氣, 識我的人都知點解!!!

自從朗朗出世之後, 

佢完全令我人生有一個大轉變!!!

就求其講下一個轉變, 

話說喺朗朗未出世之前, 

GILL仔問我"你鐘唔鐘意BB?鐘唔鐘意細佬仔?想唔想要個BB"

我份人一向都無乜所謂, 我當然答"有就有, 是旦啦!!!無話鐘唔鐘意!!!"

自朗朗出世之後,

我就好似做左家計會代言人咁, 

同身邊想生仔的人講"諗清楚啊........湊仔真係好辛苦.....唔好諗住是旦....辛苦架!!!"

我成日都叫人諗清楚!!!

再講多一個轉變

我係一個典型香港人,

就算叫全城響應熄電視日, 我都會做唔熄電視嗰位!!! 

我點樣典型???

開住電視其實唔係為左睇電視,

只想屋企唔好太靜, 

慣性開電視, 由得個畫面內D人行來行去!!!

開左幾十年電視, 

自朗朗出世之後,

睇電視變成一個奢侈的消遣活動!!!

這麼少的轉變統統都是冰山一角!!!

其實我聴好多身邊的人都會好驚嘆自己仔女何其可愛, 
而我一路以唻都好驚訝自己對仔何等難服侍!

三年前的今日, 一歲朗朗!!!
唔好比朗朗天真無邪的笑容騙左!!!
當時的我無中計, 
因為朗朗喊起上唻都幾得人驚!

大約朗朗兩歲左右, 我同朗朗感情突然180度大轉變, 奇妙感情就由呢度展開!

朗朗從來只要媽咪, 推BB車要抱都要選媽咪, 
自從GILL仔有左魚仔之後, 
GILLGILL再唔可以成日抱朗朗, 
朗朗當然向我埋手, 而我都好樂意分擔GILL仔的擔子!!!
自此我地感情就一日千里!!!

三歲生日的朗朗
感情呢家嘢真係好難講, 
自兩歲之後, 朗朗就好鐘意同我一齊, 而我都唔抗拒同朗朗一齊, 
當然, 喺朗朗的心目中, 佢一生中最愛當然係媽咪!
感情大躍進已經令我好鼓舞!

四歲生日的朗朗, 我地一家四口又去迪士尼

小小世界簡直係小朋友的最愛!!!

又點少得旋轉木馬

仲有大愛咖啡杯

我的大愛.............影靚景.............仲要影到靚靚日落!

大家聽完鴻仔同朗朗0既生路經歷
又輪到 gill 仔講講, 我同朗朗豬之間0既往事啦

這四年間

我同朗朗朝夕相對

我地當中, 經歷過好多好多

這個仔, 真係一0的都唔易湊

因為佢語言能力係比較差, 一直都唔能夠表逹到佢自己

每次我唔明白佢時, 佢就會好激動, 好勞氣

然後, 就係放聲嚎哭

又另外, 因為朗朗個人真係好固執

好多時, 佢覺得係0既野, 覺得啱咁0既野

佢就會好堅持, 完全唔理會媽媽講乜

總之, 佢要做0既野, 就一定要做

點....都係阻止唔黎.....

我仲好記得好記得

有一次, 佢堅持要去公園

但係, 因為都好夜喇, 我亦堅持要番屋企

結果, 佢一直喊一直喊

上到樓, 佢都唔肯出 LIFT

我於是嚇佢, 裝作唔理佢, 由部 LIFT 門關上, 但佢都依然唔驚, 依然唔肯出LIFT

嚇佢一次, 佢唔驚

我再嚇多佢一次, 諗住佢會出番黎啦

點知, 一失手, 趕唔切按住部 LIFT

佢....一個BB, 就咁自己坐 LIFT 落左樓

呢件事真係好記憶尤新

0個次我真係好驚

好驚佢中途唔知會唔會出左部 LIFT

然後, 又唔知佢會去左邊

又好擔心, 佢一落到樓, 又唔知會跑左去邊, 又唔知點搵番佢

你知嘛.....當時, 佢只得兩歲咋

又記得另一次

0個次其實我並沒有0係現場

0個次爸爸, 契姐, KIMMY 姐姐, 學學一家, CAR CAR CHAN同毛叔叔

好似仲係 Leo 添, 一齊馬騮山行山之旅

0個次, 真係唔知朗朗扭乜, 可能係扭眼訓吧

喊到, 扭到.....連契姐都攪佢唔掂

個個都嘆為觀止

我諗, 0係個 Blog 提番, 當日各位都唔會忘記佢有幾咁瘋狂吧

當日0既各位, 大家都知道我並非吹水, 並非抺黑朗朗

佢真係十級惡芹0架

但係0個日, 其實都只不過係冰山一角

我.....日日都係咁頂住佢架.....

佢, 真係極難湊0既一個小朋友

其實, 而家諗番

我都覺得.... 點解我會有勇氣生第二個架呢.....

不過, 又講真

佢雖然係咁難湊, 咁惡死

但俗語都有話

佢很醜, 但佢好溫柔

朗朗其實真係一個好 SWEET', 好錫屋企人0既小朋友黎架

佢好細個開始, 就總係要痴住我, 痴到永不分離咁0既款

佢乜都願意同我分享

時至今日, 佢長大喇

即使係佢最愛吃0既食物, 佢都會留小小俾我, 小小俾細佬, 小小俾爸爸

每次我唔小心整親, 叫一聲 "哎呀..."

佢都會老遠走過黎, 錫番我一啖

其實呢一兩年

佢真係好左好多喇

再冇好似以前咁, 蝦蝦霸霸

雖然, 佢而家都仲係好鐘意用喊, 黎解決問題

有時, 仲係會好扭計, 好讓我勞氣

不過, 說實的, 真係乖左好多啦!

見到而家0既佢, 我都好心滿意足

起碼, 佢再唔係忌安.....

有左細佬之後
朗朗佢, 仲愈來愈有哥哥0既風範添

朗朗, 你咁就四歲喇

媽媽真係好開心, 見到你一日一日成長, 一日一日進步呀

爸爸媽媽冇乜野禮物送俾你

帶你去廸廸尼食晚飯, 願你會開心啦

我地永遠都咁愛你架

 HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!