一日趕兩場之細佬豬考幼兒班

收到大家0既生日祝福
多謝大家一直陪伴, 又睇住我家兩隻仔0既成長
朗朗知道咁多人同佢講生日快樂, 佢都好好好開心哦....

好, 講番生活事先

嘩.... 0係啱啱過去0既星期六真係十級咁疲累.....

朝早趕完一場, 下午又趕另一場

真係諗番起都覺得辛苦呢....

咪以為我去玩添呀....我又邊可能咁有閒情逸緻呢....

一日走兩場, 其實全都係為左對仔而奔波

話說, 呢日0既早上, 係朗朗學校0既家長日

而下午, 就係細佬豬0既面試日

呢一日

因為爸爸要番工0既關係

我單拖帶左細佬出去考幼兒園

呢個係最後0既一個機會黎喇

如果呢間都唔收細佬, 我地個細佬豬就讀書無望喇

0係呢度, 真係不得不讚下鴻仔爸爸

雖然佢平時總係愛理不理咁0既樣

但係, 0係危難關頭, 佢都為細佬豬出一分綿力

0係我出去見家長時, 佢好努力咁替細佬惡補一下

幫佢練習下小手肌肉

爸爸, 你真係好好哦, 忍唔住要為你拍拍手掌, 俾個 like 你!!!!

今次0既 interview 好感恩呀

並沒有考過細佬, 只係同家長傾計

說實的, 唔駛考細佬, 真係一個好大0既恩賜黎0架喇

細佬野又講唔到, 動作又唔肯做

小手指肌肉發展又唔算好好

基本上, 要見真章0既 interview 可謂屎硬

今次0既 interview, 簡單的同媽媽傾計, 我覺得感覺都好良好哦

絕對對呢間幼稚園加分

其實呢間幼稚園並唔係乜野名校

對我黎講, 只係一個蚊型0既小村校

原先, 我真係冇考慮過要讀呢間學校0架

我呢0的只睇門面功夫, 勢利到飛起0既人

又點會考慮呢0的學校呢????

不過, 今次 interview 之後

讓我對呢間蚊型小校, 有小小改觀

呢間學校雖然真係唔大, 名氣又冇

但入到學校, 周圍都好整齊, 好企理

老師們亦好有愛心

整間學校完全俾到一個家的感覺我

感覺真的很 warm, 我覺得細佬0係度讀, 應該都會好開心0者

哈.....如果佢地收細佬就好喇....

好, 去相


因為都知佢最後一擊
所以, 呢期我地都好努力咁去教細佬豬0架喇

不過, 佢總係好似蠢蠢頓頓咁

講真啦, 都咁大個人

到而家都仲係未識切水果

睇下佢

連將隻蕉痴埋一齊, 都可以攪錯方向

你話佢幾冇得救.....

話俾佢知, 你咁樣整唔到0架

跟住, 就開始勞勞嘈嘈喇

又睇下佢....

切個假西瓜, 切到好似0的女人劏梗雞咁

頂佢唔順呢.....

攪左好耐, 終於到個蘋果

條友醒又唔多醒, 但就勝在夠為食

練練下習都會走去偷食

真係好好味咩?????

其實有一排, 我有諗過, 細佬係咪有小小發展遲緩0架

佢小手肌肉又係好麻麻地咁, 一直都好似唔係好夠力

然後, 講野又講唔黎

記得, 哥哥0係佢呢個歲數時,已經講到0的野架喇

(哥哥其實講野已經叫唔叻0架喇, 但細佬仲要差過哥哥.....)

又眼見..... 

身邊0的朋友仔, 其他BLOGGER 0的仔仔女女

年紀都比細佬細, 個個都勁細佬好多

說實的, 真係有小小灰心呀.....

不過, 呢一曰

番學校替哥哥見家長時

同另一個家長傾計, 讓我又諗通左好多

0個位家長個女, 而家0係跑馬地一間名小學讀梗書

年年都考第一0架

不過, 佢媽媽話, 其實想當年, 佢個女三歲都仲未識講野

佢擔心到連工都唔做, 全職湊女

點知, 一番兩歲班, 就一直都講唔停喇

我於是0係度諗

我做乜要比較呢???

做乜因為身邊其他小朋友0既進度, 而迫到細佬, 迫到自己咁辛苦呢....

起跑線其實一0的都唔重要, 最重要0既, 係終點站吧.....

細佬, 你要加油加油呀......

呢頭叫阿仔加油, 0個頭阿仔就走去火上加油

練唔夠兩野, 呢個無心向學0既衰仔又話眼訓

激氣在呢.... 查實細佬佢先至啱啱訓醒咋, 你話係咪OOOOO 晒咀呢?????

最近開始教佢認字喇

不過, 佢儍下儍下咁, 又冇乜反應.....

我諗, 佢都係唔係好識架喇

學到打晒喊路咁.....

哈, 我激死左鳥.....

  

細佬, 希望總有間學校會收你喇

我真係好好好擔心你呀.....

 HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!