GILL 家的聖誕節

YEAH YEAH YEAH

12.25 聖誕節0既正日

我地好開心, 約左朗朗哥哥0既朋友

開左一個超食力0既 HOME PARTY

真係不得不鳴謝 MAX 媽媽

佢由朝煮到晚, 煮左好多好多野過我地吃

真係招呼得我地好好, 好好.....

我咁大個女, 都未試過由中午十二點, 一直食non-stop咁食, 食到夜晚7點架

呢日, 我地除左食, 食同埋食
都仲有交換禮物, 同埋特預節目添呀....
嘩......0的細路仔真係開心到好似發左逹咁....
見到佢地個個都咁 happy, 我地大人都好歡欣呢!
好, 去相


wow..... 睇番0的相, 都不禁流梗口水!
我地一上到樓咋, 已經成枱美食喇....
開心開心

以恒爸爸帶左壽司過黎

而我呢, 亦都帶左0的雞翼過黎焗

MAX 媽媽真係超有心機, 佢整左0的蛋糕出黎

同小朋友玩0節 cream 遊戲

呵, 今日真係勁齊人

有以恒, 以立一家四口, 我地三小口, Max 兩母子同埋 Jethro 兩母子

細 b 組有以立同魚仔

呵, 細佬同以立真係愈來愈好朋友

成日痴埋一齊

細 b 有細 b 玩

大 b 有大 b 玩

呵, 今日0既特備節目就係打機

yeah......全民皆機

說實的, 我一向都好反對阿仔接近電子產品

我真係好驚佢會變成宅男, 好驚佢淨係識同電話溝通
不過, 聖誕節嘛, 就讓佢地放縱一下啦
咁0既童年先開心0架嘛

呢次除左朗朗奉獻左佢0既第一次之外

Jethro 同以恒以立都相相奉獻左佢地0既初夜俾遊戲機呢

超搞笑

因為個個都係第一次打機, 於是....個個都唔識打

雖然上圖兩個儍b都好似打到好肉緊咁

但其實.....只係一個人有得打....

再問番佢地, 係邊個玩梗呀????

結果, 兩個儍人都話自己玩梗.....俾佢地笑死.....

又因為大家都係第一次打機

結果, 一路都撞車, 一路都包晒尾......

 不過, 又講真喎
第一次同阿仔打機, 感覺又真係幾良好喎
大家都好享受個過程
哈..... 間中玩下, 確實係一個幾唔錯0既親子活動黎架

哈.... 我成日笑阿仔撞車, 又跌落水, 一直都笑佢冇鬼用

後黎, 到我同佢一齊打時

先發現, 原來真係唔容易架

有我幫拖底下, 朗朗仍然係包晒尾, 狂撞車, 跌晒落水

冇得打機0既細佬豬

齋睇都好開心

玩下又食下, 真係超開心

嘩, 呢碟掂呀, 拍青瓜

麻辣.....我最愛.....

後黎仲開左支酒添

係時候抽禮物啦

呵, MAX 抽到心頭好, 開心開心

Jethro 抽唔中飛行棋, 超級沮喪

嘩.....再黎朱古力

最後, MAX 媽媽仲親自用牛油打 CREAM 同小朋友整蛋糕添

咁多野玩, 大小朋友都玩到謝晒

呢晚, 我對孖寶兄弟一番到屋企咋, 就暈得一陣陣....

呵, 真係勁開心0既一個 HOME PARTY

來年, 要再大搞一次至得

 HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!