來自星星的ＧＩＬＬ

呵呵, 真係不得了, 最近迷上左星星耶!!!

每日都將自己空餘0既時間, 都貢獻左俾星星呢....

追追追, 追到連寫 BLOG 0既心機都冇埋....

其實, 我一向都唔係電視迷黎架

一開始, 星星狂熱0既時候

我仲好歧視鴻仔, 幾十歲人, 男人老狗, 仲走去追星星...

不過, 我就係抵唔住頸

俾鴻仔講一句, OUT, 又話我追趕唔住潮流

然後又加盬加醋, 話我老土, 話我個人愈老愈枯燥乏味

講幾講, 我就嬲嬲地, 決定要追星星啦....

哈, 點知, 一追....就一發不可收拾啦

最近韓風襲 GILL 家

GILL 仔直情儍鬼左, 誓要學人扮韓妹

又買韓國化妝品, 又買韓國衫

仲迫老公剪個都敏俊頭添

嘩哈哈....上腦鳥

好, 去相

其實我一向都唔會化妝0架

為免自己會三分鐘熱度, 所以決定 ＥＴＵＤＥ　ＨＯＵＳＥ 0既化妝品

心裡面諗, 咁平, 玩幾野唔玩的話, 都唔會話肉痛呀嘛

果然, 化左兩日, 我就放棄啦

鬼咩, 日日都只不過係對住魚仔同朗朗

對住佢地化妝, 我真係覺得用對牛彈琴都講唔上, 直頭係對屎彈琴呀....

YEAH, 呢個就係我親愛0既都敏鴻啦

鴻仔一直都好抱怨, 我迫佢剪到成咁

佢覺得呢個 LOOK 太0靚仔, 一0的都唔啱佢年紀

哈, 我又覺得 OK 喎, 直情忍唔住尖叫, 想問佢攞簽名添呀....

除左剪髮化妝

呢期仲興埋食韓國野添

雞蛋呀, 水餃呀, 全部都買韓貨

真係儍到貼晒地鳥....

護膚品都忍唔住買

何況衫呢???

經過一輪硏究, 韓國今年勁興 LACE 打底裙耶

忍唔住買左一條黑, 一條白

不過著左都唔覺得自己韓左....

呢條裙一見到就鐘意啦

我而家心癢癢，諗梗好唔好買條白色修腳褲＋白色短褲。。。

煲刻煲到咁破財，真係仲係第一次。。。

中毒太深

星星大結局左啦

無得再追, 我心裡面有無比0既空虛

尋晚, 忍唔住, 竟然想由頭再煲多次, 係咪儍架??????

鴻仔仲離譜, 睇完套劇, 話想飛一轉韓國添...

GILL家真出事

 HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!