台北宜蘭台中開心之旅2014-DAY 2

去到台灣0既第二日

呢一日, 真係捱得好辛苦, 好辛苦呀...

真係秒秒都有血有淚架...

事發當日, 細佬豬病入膏肓

十級咁痴身, 廿級咁扭計

一路都要抱抱同埋抱, 叫親佢落地, 佢就爆爆爆喊, 喊到完全收唔到聲

最慘係, 魚仔佢, 非GILL不抱呀嘛

爸爸抱又唔得, 二叔抱又唔掂, 淨係肯俾我抱 

嘩....真係抱到我唔止手軟, 腰都幾乎斷呀.....

好, 去一去相

YEAH, 第一次自駕遊

開心開心

坐左兩個鐘, 終於到逹宜蘭!!!

嘩....幸好細佬訓足全程咋

如果, 扭足全程就嘔血+噴鼻屎都唔得掂啦...

宜蘭第一個景點 - 幾米公園

呢日落住毛毛雨

幸好, 一落車, 雨就停啦

周圍都係行李箱, 靚靚

真係啱晒最鐘意離家出走0既朗朗

單摃軒軒原先諗住, 表演單摃可以把倒"太媚"

點知, 最後只能引到鴻仔不斷0係隔離尖叫, 大笑

 

細佬開始唔耐煩, 又想爆發鳥...

公園好大, 好多影相位

靚靚壁畫

呢個行李....高大過朗朗.....

巧巧巧有趣呢....

魚仔難得的笑臉.....

話咁快, 又轉左另一個景點

宜蘭妖怪村

大大隻腳板, 見到都怕怕

實呈, 對呢個小景點真係非常咁失望架
原先, 以為有妖怪睇啦

以為會好似南投個妖怪村咁有趣 

點知, 原來呢度只不過係一個買手信0既地方

最後, 我地只能行行企企, 無無謂謂

真係超多野食賣

我地都忍唔住手 + 忍唔住口

買左雞蛋布丁, 芋頭酥同埋蒜蓉包黎食

一場黎到, 唯有許番個願先走啦

玩左 10 分鐘唔夠, 就悶到我地閃人鳥

俾細佬玩左一整日

決定番酒店小休小休

三父子一齊泡溫泉

非常溫馨0既時光

再轉戰羅東夜市

HEHEE....忍唔住要尖叫

細佬豬居然0係呢個重要關頭訓著左

呢單野, 真係唔寫唔得

話說, 我地買左杯超超超好飲0既香芋牛奶

一到手0者, 哥哥就立即二話不說, 爭住飲

飲左幾野, 哥哥發覺唔對路

佢心諗, 呢個世界點會有0的咁好味0既野飲架????

於是, 佢博晒老命, 繼續飲落去

然後, 媽媽就話: 喂, 留番俾媽咪同爸爸至得架, 你一個人飲晒咩?

朗朗: 唔得呀, 我驚會交叉感染...... 你地唔好飲啦...

我心諗, 轉數幾時變得咁快架, 衰仔......

羅東夜市好大

最後, 我地0係呢度落腳

鴻仔去親台灣, 都好愛吃佢地0既台式鋸扒架
又平又好味...... YUMMY YUMMY

 好景不常

可能夜市太嘈啦, 細佬豬突然醒左

然後冇耐, 哥哥又扭眼訓

最後, 我地唯有拉大隊, 外賣番酒店嘆小食

不得不順帶一提, 羅東夜市塊炸雞排真係一絕, 好味到冇朋友

如果有幸再去, 我一定要再自隊三塊....哈....

第二日完

 HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!