嘔血

唉呀....真係救命呀....

呢排心情都唔係好好, EQ 又突然變得好低, 好低....

個人都好冇耐性....

對住0的仔, 郁0的就想發脾4

呢種心情, 唔知幾時先可以完結呢.....

琴日, 真係暈得一陣陣

下午, 同細佬一齊番屋企

坐坐下車, 又話要落地地, 然後, 俾佢落左地, 又話要抱

最近, 我唔想下下都順晒細佬意

於是, 呢鋪決定同佢對峙

0係屋企樓下, 對峙左好耐

佢喊得好大好大聲, 我諗, 差唔多15分鐘都仲係唔肯罷休

下左決心要同你對峙....我就一定唔會將將就就....

點知..... 最後.....

1樓有個媽媽叫落樓問我, 請問呢個BB係咪你架....

我個BB訓梗, 可唔可以收服佢????

俾人開到口鬧, 我仲好意思同佢決戰嗎????

上到樓, 仲係唔肯收聲.......OMG.....

一路喊, 一路喊....

我暈鳥.....

下午, 輪到哥哥

哥哥份人真係好鬼煩

玩SCOOTER碌低左, 一路都冇事冇幹

點知, 一發現自己原來流血

就喊得聲嘶力竭....

我0係度諗....未知自己流梗血時, 點解, 佢又唔覺得自己痛架呢....

次次見到自己流血, 就好似好大獲咁

喊到收唔到聲....

然後, 上到樓, 沖涼又一直喊, 食飯又一直喊....

都成兩個鐘啦? 有冇痛咁耐呀?

你知唔知, 呢餐飯食左幾耐呀???? 足足個半鐘耶...

痛成咁....我差0的以為佢唔係跌損左咁簡單, 而係俾人統左幾刀呀.....

0係哥哥狂喊之時

細佬又唔知發生乜野事

可能人喊我喊吧, 又可能佢地情同手足吧

然後, 兩隻仔一唱一和, 屋企歌舞昇平

喊聲此起彼落

OMG

真係人都顛....

再係咁落去, 我頂唔順架喇....

 HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!