寫左一輪旅遊BLOG
好似好耐都冇紀錄番自己0既生活事啦
最近, 爸爸一直在忙
自從去完台灣番黎之後
鴻仔就一星期番足七日工咁滯啦
真係已經好耐好耐, 冇同過0的仔去過街啦
0的仔每朝見爸爸一陣, 又再整日都見唔到佢, 真係陰公豬哦....
不過, 冇辦法啦.....搵食嘛.....
唔好好工作, 點養得起我地呢三隻化骨龍喎!!!
爸爸, 知你辛苦啦....工作壓力亦都好大....
唯有, 為你打打氣啦....
講完鴻仔, 又係時候講下0的仔嘞...
兩兄弟0既生活平淡非常
每日都係番學, 放學, 食飯, 訓覺,
嘈交, 罰企, 扭計
嘈交, 罰企, 扭計
哈.... 真係好枯燥哦....
為左讓佢地乏味0既生活添小小色采
我同佢地種梗小植物哦
不過, 種左一個星期, 草都冇條....
希望小草苗唔會種種下胎死腹中啦.....
又為左讓佢地開心0的
買左些小零食
食到佢地見牙唔見眼, 呵呵....
呢兩日, 天氣和暖番小小
叫做有番小小細藝, 起碼, 可以同陽光玩下遊戲
落公園跑跑步, 散散悶氣
一整個冬天, 一直被困在家裡, 完全冇得放電
我諗, 佢地都悶透啦....
見到佢地0係公園,無拘無束咁跑黎跑去
我真係好希望, 天氣可以 keep 住, 好似呢幾日咁呀.....
到時, 唯有再留番0既屋企玩
留番0係屋企食食野
訓訓覺
罰罰企咁過日晨啦
最近又開始煲另一套韓劇啦, 哈哈
雖然湊仔真係好忙, 但係都好想俾自己relax 下
而且, 同老公一齊追劇, 多0的共同話題嘛
每晚, 0的仔訓左, 就一路都在追, 追, 追啦
而家追梗神的禮物....真係巧緊張哦.....
唔講喇, 又係時候要追囉....
沒有留言:
發佈留言