大家好, 我係鴻仔!!!
一向我都好反對新春其間去旅行,
因為一定特別貴!!!
自從多左魚仔同朗朗之後, 我地都無得楝,
唔係旅行旺季都去唔到旅行! 學校假期等於旅行旺季!
而我又唔主張叫兩個仔走堂去旅行!
所以選擇最平的旅行地點........台灣!
如果今次只玩台北的話我都一定會大叫超悶無新意!!!
今次旅程加插左宜蘭台中,
令這個旅程生色不少!!!
最緊要同埋二叔一齊去, 就可以租車自駕遊,
自駕遊勁輕鬆{作為乘客的我地}
出發前例牌去睇陣飛機
其實我超驚同呢D兩歲樓下的BABY一齊搭飛機,
萬一喺飛機上, BABY失控狂叫咁就大大鑊啦!!!
後果我都唔想諗啊{無眼睇}
我心諗一個鐘多D就到台北.....好快到.....同去澳門差唔多!!!
{保守住我...細佬等陣千萬唔好傻左....我會不知所措}
今次真係好好彩, 細佬全程機上瞓左!
到當地時間都成下午四點左右, 時間無多,
出埋市區揾埋酒店都五點幾六點,
嗱嗱聲去永康街食小籠包{流口水中}
我最愛的鼎泰豐啊, 一去到門口已經人山人海,
拖兒帶女的我地只好食附近的高記!
要有安樂茶飯食, 唯有買定蛋糕餵魚!!!
一到魚仔食飯鐘數, 無嘢食落佢肚, 佢真係會殺人架!
喺呢一刻, 我終於明白乜嘢叫做快樂無價!
有得食, 無得輸!
唔通我地真係咁鐘意食小籠包?
兩籠上湯小籠包, 兩籠蟹粉小籠包......
未計其他餸.....數一數......加加埋埋有成40隻小籠包{大叫}
原來二叔睇錯ＭＥＮＵ，誤以為一籠得四隻!{暈暈地｝
朗＂爸爸， 我幫你頂五十隻!" {設計對白｝
又喺呢一刻, 我又明白乜嘢叫做知足常樂! 大半餐飯無爆我已經好滿足!
食完五十個包之後， 我地立即去士林夜市再食過，
唻到台灣唔肥番幾ＫＧ番香港邊對得住自己!
我唻啦。。。。雞排珍珠奶茶!!!{再次流口水中｝
夜市又點會啱呢兩隻小魔怪，
還好仲有啱小朋友玩的地方!
最後， 我地四個行唔夠一個鐘就返酒店休息!!!
ＤＡＹ２再戰!!!
後記:
嗰幾日台灣之旅, 細佬豬都超勞氣, 勁唔好老脾!
嘔左成三次, 仲要發燒,
最唔好彩就係本身都相安無事,
一去到台灣第一日就病到七彩,
我地次次旅行都會準備平安藥,
只係今次無帶藥啊,
新年流流周圍醫生都唔開, 新年前又超忙,
諗都無諗過一到台灣就出事!!!
好彩, 細佬總算唔食藥情況下, 自己即日自行退燒, 仲要一日比一日生猛!
真係要比十個讚細佬B!!!
沒有留言:
發佈留言