GILL 仔生日飯@伊呂波

收到大家0既生日祝福, 實在覺得太溫暖啦.....

唔再逐一道謝, 總之, 就係在心中啦, 哈哈......

呢兩年, 發覺自己年紀大啦

生日都唔想太鋪張

只係想簡簡單單, 食餐飯

同最愛0既家人, 最愛0既朋友小聚小聚, 咁就已經好滿足啦

睇開我個 blog 0既朋友都知

我人生之中, 朋友並唔多

最知心0既, 莫過於契姐同 Kimmy 姐姐

一直以黎, 佢地都係我最好0既朋友

陪我渡過人生中好多個難忘0既時刻

我個人, 算唔上乜野大好人, 缺點仲要一籮籮

口不擇言, 唔守信用, 吹水唔抺咀

個人缺德又冇衛生, 講野又成個八婆咁, 係都要差住條腰

咁讓人丟假0既朋友, 真係難為你地頂左我咁多年哦....

謝謝你地咁多年黎0既包容

由讀書時代, 一直陪住我成長

不知不覺間, 陪我渡過左十幾個年頭

每年0既生日, 感激有你地....

有著你地, 讓我感到, 我並唔孤單

謝謝哦.....我實在係愛死你地兩個啦.....

好, 去相

時至今日,我仲係覺得帶住兩隻野出街

有著一種極大0既壓力

見到佢地個扭計樣, 諗起都驚驚.....

呢日, 幸好有鴻爸爸陪我出到老銅

為左安撫呢兩隻窮兇極惡0既細路

不得不駛出殺手鐧

果然, 有左雞蛋仔之後, 我能夠安享晚年

真係好多年冇出過老銅啦

以前, 放學之後, 成日都會0係呢條街吉魚蛋, 吃燒賣

估唔到, 咁多年之後, 呢度變得只有藥房, 藥房同藥房

呵, 今日食好野 - 伊呂波

細佬豬小有遠遊, 開心開心

叫左三個SET

非常豐富0既一餐呢

牛肉真係SUPER YUMMY

真係強烈推介大家過去吃一餐

不過吃LUNCH 好啦

DINNER 真係好鬼貴

第一次食燒烤0既哥哥神級興奮

仲要自己燒黎吃添

雖然係燒焦晒

不過大少仲係吃得巧巧開胃

至於呢位飯店小霸王呢

真係次次同佢出去覓食都總係冇啖好食

又擒枱, 又落地

完全唔知想點.....

飯後仲有雪糕食添, HAPPY!!!!

淘氣細佬, 影張相都要周圍蕂

真係捉到我頭暈暈.....

謝謝我最好0既朋友

呢餐生日飯真係大滿足哦

 HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!