終於寫到最後一日啦
其實, 成個旅程,一共有六日
不過最後0個日, 我地基本上, 都冇乜地方去過
只係由台中坐車番台北, 食餐飯, 坐下飛機咁
冇乜影過相, 亦冇乜野好寫
所以, 呢篇將會係台灣之旅0既最後一篇啦
好, 講重點
呢日, 我地超級勁爆咁開心哦
終於可以一睹草泥馬0既風采
之前睇雜誌, 已經好想好想近距離接觸下佢地0架喇
今次, 終於有機會啦
哈, 草泥馬真人靚仔過上鏡呀, 真係超可愛!!!
而且, 佢地又夠溫馴, 個樣又夠儍氣
我地6個大人, 兩個細路見到佢, 個個都一樣咁抗奮, 咁開心....
如果去開台中的話, 真係不妨探訪下佢地呀....
不過, 要注意就係, 其實地點都幾隔涉
唔自駕遊過去的話, 我都唔知可以坐乜野車去到
所以, 呢個旅程,真係要多得二叔同四敊呢兩隻柴可夫司機
YEAH, 去相
一落車0者
就見到小小侏儒馬啦
對腳真係好短, 好好笑
可愛到不得了哦
買票入場
一入到去, 見到草泥馬0者
扭眼訓0既哥哥立即回晒魂, 好醒神
仲居然夠薑餵佢地食野添....
真係估佢唔到, 事關佢同爸爸一樣, 一向都係膽小如鼠架嘛....
點諗到佢今次會膽生毛呢!!!!
細佬豬一向色膽包天
估唔到今次居然會手軟加腳震....
睇番呢張相
我記得啦, 呢隻衰衰草泥馬....
唔想影相, 咪同我講囉
居然影完相, 向我吐口水, 仲要唔止一篤喎
太太太過份啦
其實唔係隻隻草泥馬都咁衰, 會吐人口水0既
可能咁啱, 0個隻馬仔頂唔順我咁樣衰啦
又睇我好唔順超啦, 所以先會做出0的咁0既行為....
睇下, 佢地個樣真係好可愛架
我只能夠話, 佢地真係老少咸宜, 大人細路都鐘意
哈, 仲個個都爭住要騎劫佢地添
唔知點解, 總係覺得軒軒個樣同草泥馬好似.....
二叔見到得意0既草泥馬
終於肯放低手上0既鬥地主啦
一家四小口
HEHEEE....呢兩隻被點穴0既草泥馬
俾我地打擾左好耐
佢地又真係堅喎, 可以郁都唔郁, 任君影相
再黎一張, YEAH
後黎, 唔知點解
細佬突然大膽起黎
仲好鐘意餵草泥馬添
跟住就跑跑跳跳, 生猛晒咁款啦
呵, 咁咪好囉
唔駛阿媽抱住咁辛苦
0係0個度玩左大半日
其實個牧場仲有其他小動物睇架
不過當日有0的凍, 而且之前0係幸福農場又睇過動物
所以就好快閃人啦
當日, 可能玩草泥馬玩大左
下午大家都攰到想嘔
而且, 試過幾次挑戰夜市失敗之後
我再唔敢輕舉妄動, 我發覺一動不如一靜
寧願乖乖留0係酒店HEA 下算啦.....
結果, 呢日就咁完結
HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!
沒有留言:
發佈留言