歡呼聲

大家好, 我係鴻仔!!!

我仲記得喺細佬出世無幾耐, 

曾經向GILL仔斷言仲非常大口氣咁講

"哥哥語言發展得咁慢, 我諗細佬講嘢點都無可能差得過哥哥,

最壞情況已經見過!"

想補充, 其實哥哥而家講嘢都唔係勁, 

但眼見GILL日日都好努力幫哥哥練習咬字,
哥哥都一日一日咁進步, 已經大滿足!!!
只要大家一齊努力努力, 唔好放棄, 總有一日哥哥會講嘢會叻!!!

講番細佬, 細佬出世無幾耐,
我又曾經講過
"細佬講嘢發音都幾多, 好多過音都聽佢講過, 幾好!!!"

好景不常,
以為細佬喺語言發展上可以一帆風順,
點知........

細佬不似預期,
仲有點兒停滯不前, 
成日乜都唔肯講!!!
有點灰心!!!
不過都唔緊要架!!!
都係嗰句, 只要唔好放棄, 總會雨過天晴!!!

我記得我細個嗰時都係唔多講嘢,
發音總要超唔準,
仲要去上語言治療班!!!
我媽咪話我細個講媽咪講成媽吱,
連幼稚園校長都話長期聽唔明我講乜,
我細個嗰陣時都幾廿年前的事,
我諗我應該講嘢真係幾衰架,
80年代的香港人又點會太在意一個細佬咬字唔清
而家呢個年代就話一講嘢唔係咁好, 就話要去治療!!!

我成日都懷疑都係我衰,
兩個仔應該都係遺傳左我的"語言天份"

兩位愛兒, 加油啊!!!
我一定支持你地!!!

講番今日,
細佬上playgroup都上左好大段時間,
重來都無聽過細佬講過任何一個字,
最近, 我開始feel到連老師都想放棄細佬, 
本身老師都好有心機引導細佬講嘢,
奈何金口難開!!!
我諗全班同學仔的工人姐姐都心知道細佬用鉗仔都鉗唔開佢把口,
我知, 老師明, 各位姐姐曉!!!
當大家都已經無乜期望之際.................
細佬................

就話說今日,
又到circle time時間,
老師又開始逐一問每一個同學仔叫乜嘢名?
細佬再次例講牌唔到自己個名,
當老師問到個名牌係乜嘢顏色,
what's color is it?
細佬氣定神閒咁話"blue!!"

全場掌聲大到難以用筆墨能夠形容,
歡呼聲四氣, 
有人大叫"first time!!!"
又有人大叫＂oh yeah....."
有人大叫"good job!!!"
掌聲歡呼聲維持左十秒左右，
可想而知大家今日有幾咁驚喜!!!

我同gill仔講：大大話話由啊朗開始，
　大大話話上playgroup我都上左四年，
重來未見過呢個場面
歡呼聲。。。。掌聲。。。。
如此震撼!!!


只係簡單一個單字＂BLUE"

所以我都話唔係要細佬講嘢有幾叻，
而係只要有進步，
已經令人好鼓舞!

唔好灰心，　不要放棄，　總有希望!!!
努力啊。。。。兩位愛兒!!!
gillgill加油啊

 HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!