GILL 家回歸鳥

WOW....終於番到黎喇....

真係十級咁掛住香港呀...

今次旅程, 真係前所未有0既咁辛苦呀.....

都未試過黑仔成咁架....

你知嘛, 呢六日五夜以黎....

我家四口就病足咁多日

今次都算捉蟲喇....

其實以往去親旅行, 我都會帶備平安藥出發架

點知今次, 啱啱遇著剛剛

出發之前, 遇上新年

我又一直忙住辦年貨,搞清潔....忘記去配定0的藥....

世事就係咁架喇, 當你愈係冇準備時, 就往往會出晒事

去到年初三, 哥哥突然咳起黎

然後一日比一日嚴重

新年流流, 又冇醫生睇..... 真係奶晒野呀.....

最後, 大年初五, 出發0既0個一日, 仲要傳染埋俾細佬....

細佬其實一向都叫幾強壯, 咁耐以黎, 細佬都叫做好少病

點知, 今次卻偏偏被傳染.....

旅行呢幾日, 又發燒, 又嘔, 又咳, 多痰到嚇死我....

最慘係, 人在他鄉, 卻係沒有藥嘛.....

擔心到我飛起呀....

幸好就係, 細佬佢只係發左一日燒, 就自動退左喇....

不過, 細佬一病呢, 就會扭得好勁揪, 又會狂痴身

嘩, 呢幾日, 湊細佬真係湊得好辛苦....

尋晚, 0係台灣機場

細佬又扭, 又不斷哭哭鬧鬧

我真係忍唔住, EQ失控

然後狂鬧細佬, 最終頂唔順, 將佢掉低左俾二嬸處理.....

講起尋晚, 又令我好激氣

湊住仔都夠忟架喇

仲要遇上世紀大 DELAY....

班機由晚上九點, DELAY 到十二點半

你知啦, 湊住小朋友, 已經夠歸心似箭

個小朋友仲要扭眼訓, 扭作病

真係留多一秒0係台灣, 都嫌多

攪到成十二點半都仲身在台灣, 你話係咪暈得一陣陣.....

終於, 要凌晨三點先番到香港

夜媽媽, 又夜又凍喇喎

兩個仲要訓著左

真係花左幾多力氣, 我地兩公婆先將兩隻仔, 一個大行李, BB車運送到番屋企.....

暈.........

好, 去相

初四約到了學學, Kaylie到廸欣湖

  

 HEHEEE….

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!