親子摘摘士多啤梨 – 國皇的婚禮 x 傻夫婦一家

呢期, GILL 家實行外遊放寬政策

活動一浪接一浪

上兩定三個星期日, 我地一家約左國皇的婚禮同傻夫婦一家去錦田俱樂部摘士多啤梨

WOW..... 有得出街, 真係巧巧巧開心耶

開心還開心, 今趟旅程, 真係難以想像0既辛苦

點解?????

嘩, 真係多謝鴻仔爸爸0既建議

多得佢叫我唔好帶BB車, 我先可以完成創舉, 挑戰人體極限

多得佢, 我先可以同細佬豬埋身肉縛十小時

下次..... 我真係唔會再信鴻仔0架喇.....

次次都老點.....次次俾條死路我行....

而家諗番起, 都仲係好想"妙"佢兩野呢....

好, 其他野唔講

去相 

好日唔帶BB車, 一唔帶0者, 就奶野

細佬都算絕喇, 臨落車先黎訓, 攪到我抱足成個鐘

一落車, 就見到童年小吃

真係忍唔住, 整番件

正正正正正!!!!!

坐完火車轉的士

錦田俱樂部真係巧巧巧遠哦....

等左唔係好耐, 各路人馬就好快到齊喇

而一知道有得玩, 貪威識食0既細佬豬就及時起身, 一齊喪玩啦!

 

哥哥豬製作認真

千挑萬選, 終於選出最靚仔0既士多啤啤

另一邊窗, 細佬豬又攪梗乜呢????

梗係行行企企佢至醒啦, 哈哈.....

咪睇佢儍更更, 似中坑呀

佢都好識揀架!!!

細佬人仔細細, 就明白到唔熟唔食0既道理

粒士多啤梨唔紅唔熟, 佢就一定唔會揀

呵, 查實摘士多啤梨, 真係一個幾好玩0既親子活動黎架

以前未有細佬豬時, 我成日都會同朗朗一齊去架

不過而家一拖二, 想去都有心無力啦.....

今次有得出去玩

都係有賴爸爸全力配合, 專登請左日假黎陪我地出黎咋

呵, 真係爆開心哦....

YEAH, 轉個頭0者, 就摘到盆滿砵滿啦

同行0既小丸子, 真係真係好高大呀......

細佬真係要檢討下至得.....

ATHENA 一家真係 SWEET 到爆

其實旺爸爸真係超好哦, 佢真係好錫0的女0架!

好心鴻仔就學下佢啦!!!!!

至於國王家呢

第一次同你地出遊, 多多指教哦!!!

希望我個惡死0既細佬豬冇嚇親你地喇.....

今次出黎

實在發現, 原來大頭妹同 Mancent 早已係一對

朗朗介女無望鳥.....

今次3個家庭6個B

熱鬧熱鬧

不斷在士多啤梨園穿梭

忽然遇到超級 MINI 0既士多啤梨干

細細粒, 真係好可愛哦....

儍豬哥哥想同我 HIDE & SEEK, 冷搞笑....

呵, 呢張相影到細佬又肥又矮, 太可愛啦..... (又戀仔成狂鳥....)

其實細佬豬同小丸子 & Marcus 應該都會好啱玩

雖然今次全程好似零交流, 但我相信大下大下, 又玩多十次八次, 佢地應該會OK

哈, 小丸子好似0係度跳梗舞咁, 好搞笑呀....

Marcus 同細佬就好似有傾有講咁,

FRIEND 底 FRIEND 底

呵, 呢日真係巧巧巧開心哦

又可以親子, 又可以同朋友仔出黎威一威

YEAH, 期待下一次聚會哦....

 

 HEHEEE….

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度….. 

同我地做個朋友仔啦!!!!