戀上我的床

話說

哥哥到左四歲, 仲係同我地大被同眠的

哈, 冇法喇

我地屋企細, 得一間房

佢唔同我地同床, 我都諗唔到佢可以訓邊.....

其實, 我又唔係好有所謂0既

講真, 我真的好享受同哥哥, 爸爸一齊訓

每晚, 臨訓前, 可以大家0係床上面跑跑跳跳

再一齊祈禱, 傾計

真係帶俾我無限0既歡樂

如果, 你叫我同佢分房, 我諗, 我一定會唔捨得0者

至於細佬呢

細佬就訓0係BB床上面

不過最近, 佢開始大喇, 開始識得扭啦

可能佢見哥哥同我地一齊訓喇, 佢似乎都好想加入我地咁

見佢咁可憐夸夸咁0既樣, 我真忍唔住.....

而家, 我, 朗朗同細佬會一齊上床, 三個人大被同眠
直到哥哥夜尿之後, 就放哥哥落BB床
哈, 其實都試過想將細佬放番落床仔架
點知, 佢真係好鬼知掟
次次一擺番佢落床仔, 佢就鬼殺咁嘈
反而, 哥哥就OK
而且, 哥哥而家太大隻啦
佢落左床仔訓, 我地就寛尚好多
所以, 最後, 我地有咁樣0既安排

哈, 而家真係好好呀, 多左細佬0係大床
臨訓前, 我地三口一齊玩, 一齊祈禱, 一齊傾計

雖然, 細佬0係我地祈禱時, 總係0係張床度撻黎撻去

攪到我地專心唔到, 而且有時, 仲有小小論盡0既感覺.....

但係, 當中卻係非言語能表達出的快樂

我....真係好享受, 0係床上面, 小小小小0既快樂哦....

我知道, 佢地大個仔, 就會采我都儍

哈, 所以, 就算迫小小, 我都願意呢.....

 HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!