與表哥把臂同遊花市

真係要加倍努力至得喇

最近有好多BLOG都未出呢....

先講番新年前0既0個個星期日

GILL 媽又再勇闖寶琳喇....

來回 4 個鐘, 坐車都坐到頭痛....哈

其實, 都唔想去到咁遠0架, 不過真係好耐冇見過家姐同婆婆啦

好想睇下佢地, 同佢地聚聚

事關, 新年婆婆同我地都相繼會去旅行, 見唔到0既機會, 高唱入雲

所以, 唯有提早見個面啦....

好, 去相

大鄉里出城

例必迷路, 明明係去坑口架喇

唔知點解, 無啦啦又會0係油塘落左車....

搞完一輪先發現, 真係我地真係要0係油塘轉車先真,  正一大頭瓜.....

幸好油塘0個邊0既車唔多人, 呢個衰仔, 真係激死阿媽鳥....

一上到車, 就話: 請讓坐給有需要人士

然後指住自己, 我咪有需要人士囉.....我當堂 OOOOO 晒咀....

繼而0係樹爬黎爬去, 叫極都唔肯坐好....

帶佢出街, 真係好易激到吐血身亡0架.....

終於同我地個婆婆豬重逢鳥 YEAH YEAH....

次次同婆婆一齊, 例必收到零食一大包, 今次都唔例外

開心開心, 多謝婆婆

知道今次約左表哥

朗朗一路上都好擔心

不斷口UP UP, 唸咒語: E丈唔好黎, E丈唔好黎, E丈唔好黎

真係俾佢笑死左....

最後, 朗朗最敬畏0既E丈梗係有黎啦, 哈哈

記得上回嗎? 上回講到朗朗去到羡琳屋企無啦啦啞左.....

今次, 我諗住佢都會收晒皮,笠晒水架喇

一黎, E丈又0係樹, 二黎其實表哥一年都見唔到四次

但出乎意料之外

表哥居然能夠將冰山劈開

朗朗超鐘意同表哥玩, 仲玩到顛鬼左添!!!

呢日, 家姐帶我一人一鍋打邊爐

細佬豬真係堅

未開餐, 先食飯, 一日食足十幾餐

終於埋位啦喂

一人一個鍋, 我要左蕃茄湯底

第一次食自助火鍋

可以不斷出去拎野食, 開心死我喇....

話時話, 哥哥自從0係學校打過邊爐之後, 就迷上左邊爐啦,

呢一日, 連一向出名食野食得少0既佢, 都能夠密密食, 密密食

除左有得打邊爐

仲有細路仔恩物 - 雪糕......

呢期哥哥身體好左好多

見今日咁開心, 我就姑且俾佢食下啦....

除左哥哥密食當三番之外

細佬都唔惹少, 食得多過我添呀....

餐後, 我地去左寶琳公園同花市

雖然細佬豬唔知乜野為之行花市

但表現相當咁雀躍

表哥一開閘, 就買左個冰糖士多啤梨啦

十分鐘唔夠

表哥再度出擊, 再買多個公仔

個咀扁過扁平足咁, 有人開始扭買野啦....

其實都唔想買俾個衰仔0架喇

不過見一年一次, 就又姑且買個風車仔俾佢地啦....

即刻爽晒, 唔再大叫大哎.....

買得俾哥哥,就要買埋俾細佬

不過細佬一直扭梗落地

有風車都滿足唔到佢....

玩左一整日, 我攰死鳥.... 

諗住番屋企啦....點知, 又迷路了....

搵極都搵唔到個巴士站....慘慘豬呀....

 HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!