朗朗決戰童夢城

呵, 有留意我地 FACEBOOK 0既朋友應該都見到啦

我家朗朗豬上星期日去左機場 Dream come true 度大玩特玩呢...

真係好開心哦, 其實之前一路都好想入去

不過, 價錢對我黎講, 實在有0的貴

一路都唔係好捨得花錢入去玩

呢次好難得, 我地區個故事會, 免費帶我地入去耶

呵, 免費喎, 我地梗係第一時間舉腳參予啦!!!

最衰最衰啦, 細佬豬未夠秤

唔能夠同哥哥一齊玩....

希望, 下年故事會又再肯帶我地去啦

我都好想惠及細佬哦....

好, 去相去相

睇下當日0既小小花絮

故事會真係好到不能再好

專車接送我地班街坊去童夢城

yeah, 終於到逹現場

哈, 我地班街坊, 幾咁人才濟濟!!!

睇下呢班小豆釘, 個個都幾咁 happy

實不相瞞, 查實我都好興奮哦...

興奮在.... 唔駛俾錢可以入黎玩嘛, haha.....

師拉就係咁0架喇....

小朋友, 一人一passport

每個小朋友可以扮三個角色

呢次哥哥可以扮明星行天橋, 可以扮機師同埋消防員

未夠秤0既細佬豬踏上舞台扮表演

yeah, 真正0既表演嘉賓-以立

當然唔少得我家朗朗豬喇

當我地扮梗星明之際

Jethro 就做梗空中少爺....太英太英啦....

玩完第一輪

要準備扮機師啦, 呵呵....

不一會兒, 佢地就變左身

成為Captain Cool 0的 friend

我與我的小小小機師

所以話, 人靠衣妝係啱架

睇下....哥哥著左呢套衫, 型左幾鬼多...

我都忍唔住, 尖叫左幾聲呀...

轉個頭, 我地遇上超英0既機場特工

最衰哥哥冇得扮呢個啦, 勁有型, 超可愛哦

不過算啦

其實扮消防員都好好玩

HEHEEE....救火英雄

雖然冇霆鋒咁型, 個樣仲有小小拾下拾下

不過, 我都好鐘意朗朗英雄耶

朗朗英勇救火實錄

(呢度堅噴水, 救火都叫救得幾逼真....睇到都覺得佢地好玩)

哥哥就玩得開心, 細佬就悶爆

幸好, 佢都叫幾易滿足

行行企企已經笑口常開啦

今日哥哥番左三份工

賺左$60

(實呈最低工資都冇......)

正所謂: 辛苦得黎至在食

開左成日工, 哥哥用左$50換左盒檸檬茶飲, 滿足滿足

呢日真係多謝故事會

讓到小朋友個個都開開心心, 完成自己0既夢想

希望希望

不欠0既將來, 故事會會再帶我地入去玩啦

哈, 真大想頭!!!

 HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!