鴻仔誤入賭途

好景不常

我家鴻仔, 自從台灣之旅,

學識左鬥地主之後, 就一直沉迷賭博,

終日拎住部電話, 上住網, 狂玩狂賭

而家,無時無即都同部電話人機合一,進入打機賭錢0既最高境界.....

真係.....見到都好想鐘番佢十幾廿野呀....

早兩日, 我地一家四小口去坪洲遊玩

原本諗住開開心心家庭樂

點知, 個死佬.....同對仔出去玩, 仲係機不離手

早朝就打到晚, 激死激死....

我就黎忍唔住, 要向佢噴火架喇

個死佬....真係唔知佢幾時先肯收手.....

(P.S. 我打梗呢篇BLOG 0既同時, 鴻仔家下其實都係打梗機架)

好, 去相

今次影低左大量鴻仔0既犯罪證據

請大家睇完之後, 一齊向佢張相 "妙" 下佢, 以示不滿

呢日, 我地去坪洲食下海鮮餐

諗住未夠鐘, 就帶阿仔佢地去公園行行企企

其實0的仔都幾可愛呀..... 

點解鴻仔眼尾都唔梢佢地一眼呢.....

諗起都覺得好傷心耶....

去到球場

諗住叫佢同0的仔跑跑跳跳又唔肯

叫佢幫我地影下相之嘛, 就求其膚硯了事

影左幾張, 就唔鬼理我地啦....

見佢唔鬼理我地

我決定影底佢0既犯罪證據

 

死佬....日忙夜忙, 費枕忘餐

都係為左呢0的咁0既死人牌

最激氣係, 佢連個仔都帶壞埋嘛....

你話激死唔激死?????

咁攪法, 我0個仔遲早變毒男呀....

你睇下佢鋪癮幾大, 中毒幾咁深.....

兩隻仔不斷騎劫佢, 佢都唔捨得放低部機.....

朗朗施展渾身解數

以圖叫爸爸陪玩, 但爸爸仲係進入左忘我境界...

見我影佢....佢開始以笑遮醜啦....

宅男得佢呢.....

後黎, 發生件讓我好扯火0既事.....

個仔話尿急, 叫爸爸陪佢VV

但爸爸仍然唔肯理佢....

哥哥扭到訓晒地, 喊左好鬼耐, 佢都唔願起身,

即使起身, 都仲係一邊起,一邊打

唔好誤會, 跪左起身,準備起行咁0既樣, 都唔代表會即時帶仔疴V

仲要再玩多幾野先....

你話, 企0係佢隔離個老婆同阿仔係會有幾咁嬲怒呢????

終於, 收手啦.....

疴完VV, 哥哥開心回歸

爸爸呢????

坐都未坐低, 又再機癮大發

立即再戰江湖

機癮真係好好好大.....

 

結果, 親子樂變左打機樂

再係咁落去, 我諗, 我快要忍唔住, 要日日黑面鳥......

 

 HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!