星馬LEGOLAND爆開心之旅- DAY 2

hi, 我係鴻仔

呢個新加坡新山LEGOLAND之旅最令我意想不到最後變為
驚心動魄之旅!!!
係我去咁多次旅行遇過最前所未有咁驚險的一次, 災難性的一次!
{傳說中的馬來西亞係治安好差......放心.....唔關治安事!}

呢件事係發生在DAY5,
到DAY5 嗰篇BLOG會詳盡記錄番!

講番新加坡新山LEGOLAND開心之旅先,
其實, LEGOLAND除左係兩個小朋友好期待之外,
連我呢個大朋友都超期待!

一知新山開LEGOLAND已經好想去;
之後仲開埋WATER PARK 我仲想去;
再開埋LEGOLAND酒店令我更加引唔住立即飛奔過新山!

出發前有少少擔心,
睇網上好多資料, 搭去新加坡關口的巴士同新山關口搭過legoland的巴士班次超疏, 
而我地今次要拖兒帶女, 仲要帶住個行李加bb車, 
都咪話唔驚!!!

DAY2 一早就整裝待發,
先去食個早餐就出發!!!


好似呢位小朋友未ready好WOO

而朗朗就準備充足, 攞住張地圖帶路, 
又話我地而家喺邊又會去邊咁.....
細路.....而家咩時代....高科技.....GOOGLE MAP啦....朗朗out晒啦!

因我地酒店在牛車水, 所以都去番附近食嘢, 
而我就用GOOGLE MAP帶領左朗朗去MAXWELL食嘢!

MAXWELL最出名莫過於天天海南雞飯
不過, 我地上次唻新加坡都已經食過天天, 
所以去左呢一間舖買雞飯! 

講起雞飯....大大話話呢個trip都食左六七碟雞飯!
我係海南雞飯die hard fans，　六七碟，　濕濕碎啦!

現場環境無冷氣只有風扇，　
要食地道嘢，無計架!

傳說中, 去LEGOLAND 0既方法有好幾種我地拖兒帶女咁, 梗係選擇最方便的方法啦　
由singapore flyer搭直通巴士直逹legoland!

關於由新加坡去馬來西亞0既交通
我強烈推薦大家可以探探台灣BLOGGER樂爸
真係解釋得非常咁詳盡
http://iamhappy88.com/2013-08-01-14/

singapore flyer 巴士站。。。。。偏偏遇上亞坤。。。。教我如何不食它!!!

識食一定要食亞坤咖央多，　
百食不厭!

去到新山，　第一站就即去婆婆的指定必去地方。。。
puteri harbour family theme park

唔講唔知，　其實婆婆自小就係hello kitty 的忠實fans, 
婆婆見兒時偶像，興奮萬分!

仲有男孩兒最愛。。。。thomas 

thomas 直昇機。。。。駛唔駛咁好玩!

這個black wonder, 其實係一個迷宮!

男孩兒同hello kitty 咖啡杯合照，　
另有一番風味!

姣味甚濃的兩兄弟!

當左呢個貨櫃車係自己的舞台，　化身為貨櫃舞台王者!　

legoland酒店門口。。。。駛唔駛咁霸氣!

legoland hotel lobby, 只睇decoration, 已經無得輸!

處處都係lego, 小朋友當然係最happy!

仲有港女必有的影相位!

細心留意。。。單車背後0既牆全都係lego 人仔，　盡見心思!

仲會有真人lego公仔hotel通處走!

book左Pirate 主題的房間!

我就最愛這張"碌架床", 
重拾兒時的"碌架床"回憶!

day3......我地會喪玩legoland!　
玩到天昏地暗地動天搖!

day 2 完

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!