告別BB床

話說兩隻仔都開始大喇

屋企再冇人需要BB床鳥.....

雖然, 我單方面, 仲係好想生個女

但係, 事與願違.....

生仔容易, 湊仔難, 鴻仔又點會俾我再生多件呢.....

見BB床, 長期空置, 又爛溶溶咁款

最後, 仲係決定將佢掉落垃圾房.....

其實, 掉0既時候, 心情真的很複雜!!!
畢竟, 這張床仔都陪住阿仔佢地成長!!!
兩隻仔由new born 訓到牛高馬大
當中, 真的有著很多很多回憶呢.....



呢個係哥哥
想當年, 佢細細粒, 打橫訓都綽綽有餘
睇番張相, 真係好懷念年少無知0既哥哥哦.....

呢張床仔, 曾經見證哥哥學企

睇住哥哥長大, 由冇頭髮, 訓到有頭髮

有著表姐同朗朗快樂的回憶

真係好難會忘記呢一幕
哥哥竟然在床仔訓成咁....哈哈

訓到歲半時, 哥哥突然戀上我的床
自始, 哥哥就正式告別床仔

只係偶爾招呼朋友上黎床仔玩

當床仔係玩具

終於, 細佬出世喇

床仔總算有人認頭

床仔又見證細佬長出兩隻小小的下門牙

細佬豬呢個喊包, 不知0係床仔流過幾多幾多滴眼淚

亦賴過無數咁多篤vv......

說實的,掉床0既時候, 見到床褥尿績班班

這些年來, 真係難為了床仔哦....

呢張床仔, 曾經讓佢地有過無數個甜蜜美夢

真係睇住佢地長大架

而最讓我難忘的
就是兄弟二人, 曾經0係呢張小小的床仔
有過無數快樂的回憶

床仔.......你永遠都會在我地心中.......
感激你一直與兩子成長
給過佢地快樂0既回憶

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!