澳門之旅-DAY 2

HELLO, 我係鴻仔!!!

每次話去澳門玩,

我腦內總會被豬扒包, 葡撻, 葡國菜, 大三巴充斥住, 

同埋不自覺地諗起早幾年嗰隻洗腦歌"大三巴....觀音像....買手信...買手信..."

除左呢隻經典歌之外 ,

就令我諗起過大海贏大錢,

賭場多如繁星!!!

好彩我由細到大都唔係好賭錢, 

連六合彩都係一年只買兩三次,

好多人都話輸錢皆因贏錢起,

我從來只有輸不贏,
咁我又點會皆因贏錢起呢????

據說有部份賭場埋枱玩一舖大細最低消費都要500蚊,

500蚊玩舖大細, 

我過唔到自己個關攞!!!

咁我不如去買1928(金沙中國)同27(銀河),

點都好過玩大細!!!

話晒上年強勢股加有少少息派!!!

上年去澳門嗰陣時都已經去左比較啱小朋友玩的科學館!

今年誓要揾新玩意玩下.......滑草場!!!

朝早落酒店游水, 

大病初癒的細佬就無落水啦!!!

由細到大都氣管唔好的朗朗,

恆常游水希望對朗朗的氣管有幫助!

魚魚總係經常展現天使的笑容, 暗藏魔鬼的個性!!!
愛佢又恨佢!!!

勝利豬扒包就係我地的早餐

沿路上大三巴的兩旁, 到處都係手信店!!!

我家為食的朗朗又點會錯過呢個試食的黃金機會!!!
一見到豬肉乾立即蜂擁而上!!!

風騷得意忘形的試食樣!!!
睇佢個樣都知佢食得好過癮!!!

上一刻仲風騷快活緊,
呢一刻就苦口苦面咁!!!
點解???

唔好話香港多自由行, 
連澳門都通街自由行, 
手信舖為左迎合旅客的口味,
連豬肉乾都..........
朗"嘩.....好辣....水啊水啊....."
原來唔係一般辣, 而係麻辣!
麻辣....我都受不了
朗朗試食試出鑊了!!!

雖然我個大肚腩聞名於世, 唯一最令我安慰就係個肚腩幾大都唔夠大肚婆個肚大!
{自豪儍笑中}

以下時間交番比GILL仔寫落去

大山巴曝曬之旅後
我地一干人等決定尋找隠世YUMMY魚翅

嘩嘩嘩, 真係啖啖花膠, 啖啖魚翅呀!!!!

魚翅過後, 我地同奶奶佢地齊齊坐車過氹仔
佢地賭錢, 我地滑草
呵, 仲係第一次坐車坐到爆車呔....
我高度懷疑係鴻仔呢隻重磅股坐爆架車!!!!

到逹氹仔, 再轉的士去大潭山郊野公園

YEAH, 到喇喂.....

之前有人同我講, 入場費$50個

去到先知, 原來係唔駛錢架喎.....

沿路一直都了無人煙
我仲以為冇乜人識黎呢度玩
哈, 原來天氣太熱, 無人好似我地咁瘋狂, 曝曬中滑草!!!

管理員叔叔話, 呢度一到十月, 十一月就會好多人黎, 排晒長龍架喇!!!

估唔到哥哥單人匹馬, 自己都搞得掂, 叻仔!!!

超過癮的玩意, 點解香港冇架!!!!

雖然真係激熱, 但對仔仍然愈玩愈起勁

上上落落, 來回左幾百轉

呵呵, 巧巧玩呀........

軒軒一直歧視滑草場

話呢度小兒科, 唔啱佢玩....

後黎, 管理員叔叔叫佢企住玩, 超刺激呢!!!

似模似樣, 好勁, 好型呀!!!!!

型成咁, 我差0的忍唔住, 要尖叫, 做埋佢FANS添呀!!!

細佬豬越級挑戰, 要自己黎!!!

佢一步, 我一驚心.....

真係好擔心佢會反艇.....

幸好, 佢一個人, 都能夠順利到逹終點!!!

朝早游過水, 下午滑完草

哥哥終於暈低左鳥....

見佢訓左, 我地梗係食下好野啦!

我最愛0既木糠布甸

爸爸鐘情大菜糕

食到細佬跌晒膊, 笑呵呵!

就係咁, 快樂0既澳門之旅, 就咁完結喇!!!

唔知下年奶奶會唔會仲有免費酒店俾我地過去威下呢, HEHEEE!!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!