bossini Disney Classic Collection Art Jam Blogger Gathering

多謝 BOSSSINI 0既邀請哦!

0係上個星期六

我地一家四小口出席了 Bossini Disney Art Jam Blogger Gathering

之前見好多朋友都去玩Art Jamming

我都有幾秒鐘衝動, 想撇甩對仔, 去潮玩一下架喇

不過, 要放低對仔出去威.....談何容易呢....

(雖知道, 我0個兩隻仔, 絕非等閒之輩, 呢個世界, 真係冇人願意接收佢地架!)

今次, 可以一邊親子, 一邊 Art Jamming

實在 super 咁開心!!!

好, 去相

其實我個人比較鐘意著tee

覺得好易配搭, 簡單裡面加件打低背心, 就可以好trendy

呵, 好鐘意呢件Chip & Dale, 好可愛呀!!!

(不過下次都唔敢扮年輕, 著熱褲啦, 原來影相出黎係咁粗壯架.....)

今次Bossini 新出0既童裝衫真係好靚!!!!

多左好多唔同0既顏色

大愛細佬仔件黃色小背心, 好sharp, 好charm!!!

yeah, cute 爆兄弟裝

終於, 終於去到目的地鳥!!!

見到咁多顏料, 我真係巧興奮哦.....

一上到去, 就遇見小齊啦!!!

睇左佢地個blog一段日子, 見到真人好開心呀!!!

畫廊即係畫廊, 有好多靚畫呢!!!

終於都等到Mancent 同大頭妹啦!!!

哈, 六隻小monkeys.......

今次玩兩款, 一款揀左Chip & Dale

另一款揀了Donald

大會講解完畢, 我地就各就各位, 準備畫喇喂!!!

哈, 各位觀眾, 大家見我咁期待 Art Jamming, 係咪以為我係高手呢???

哈, 查實我除左嚮負地獄廚神呢個稱號外
仲有另一個朵.....就係地獄畫神黎喇!!!

自細, 我就對畫畫一0的興趣都冇架喇, 三十幾歲人, 實呈我仲係畫梗火柴人架咋!!!

至於哥哥呢, 梗係遺存左我優良傳統喇!!!

總係望落去有板有眼, 但查實就同我一樣, 係個藝術白痴!!!

至於細佬豬呢!!!

嘩, 仲嚇死你!!!

唔識藝術, 唔梗要..... 唔好0係樹搞事呀嘛.....

好地地, 生勾勾一對chip & dale

就咁, 就咁....俾魚仔搞到不似人形啦......

爸爸0係魚仔0既蹂躪下

十隻手指頭, 滿滿是顏料......

鴻仔..... 我鄧你可憐.....

chip & dale......我為你折哀...... 

至於我同朗朗0既作品呢......

嘩哈哈.....都唔好得幾多......

出自我倆手下的一隻Donald, 十足深圳0的A貨........

相反..... Mandy 0既 Donald 就好神似, 好型仔啦......

雖然, 有小小A貨 FEEL

不過朗朗卻出奇地鐘意呢個袋喎....

仲話要帶埋去旅行添.....

再一次多謝Bossini 0既邀請

今次大小朋友, 一樣開心

謝謝, 謝謝

 Bossini 今季0的衫啱晒廸士尼迷
尤其係女仔添, 0的公主系列真係可愛到不能再可愛哦....
點解....點解我生唔到女架......

提一提大家

bossini Disney Classic 聯乘系列, 而家可以喺網上商店預售啦

凡購物每滿$300*，即送輕便公主電風扇1把，數量有限，送完即止，仲免運費添；而家facebook fans, 只要輸入優惠代碼 “disney”，更可享85折優惠!　快D掃貨啦！

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!