港童大戰炎炎夏日

一直以黎
都覺得, 應該要賤養0的仔
要讓佢地過得刻苦一點
希望佢地能夠從刻苦0既生活當中
學懂珍惜, 從而努力上進

不過, 0係香港呢個物質咁豐盛0既地方
要賤養, 要讓小朋友過得刻苦, 絕不容易
因為, 唔駛你俾好好0既生活佢
佢地已經能夠從基本0既生活中嘆慣左喇

回想當年, 我地天時熱
想要冷氣, 真係絕不容易
最基本, 坐巴士, 0係學校上堂, 都唔會有冷氣供應到俾我地
反觀呢一呢代呢!!!! 去到邊, 都充斥住冷氣....
真係太幸福喇......

習慣左有冷氣0既生活
朗朗熱小小, 都話頂唔順
好多時, 熱到一頭汗, 就會發脾四
然後好嬲咁大叫, 好熱呀, 好熱呀, 我成頭汗喇......
今日, 更因為熱, 話做唔到功課, 一路都0係樹賴皮添....
真係超級港童 feel 呢......

鴻仔爸爸同我講
咁熱天時, 大人都難頂啦, 個細路仔扭計, 都好正常0者.....
係.....無錯, 我都知好熱.....
但係, 我覺得熱, 都只不過係physical上受小小苦0者
如果連咁都捱唔住, 熱都唔能夠忍耐
咁成長之中, 有更多0既苦, 點樣去克服呢....

男仔嘛, 真係需要捱下苦頭, 學習下忍耐先得架.......
所以, 我係唔會理鴻仔架
我會繼續迫阿仔刻苦刻苦, 過著刻苦0既生活
願望佢大個時, 能夠頂天又立地啦!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!

我的麵包機

真係十級咁開心哦.....

多謝鴻仔爸爸出錢又出力....

終於, 我都能夠擁有一部麵包機啦!!!!

YEAH.....

話說, 近年潮興玩麵包機

我其實一早已經好想買部番黎玩下架喇
事關屋企樓下間麵包鋪一向獨市, 0的包賣得幾貴下, 閒閒地都$15個
(兩隻仔, 一人一個包, 閒閒地都三四十蚊啦.....)
而且, 0的街坊話, 試過0的包擺左成兩個星期, 都冇發毛
懷疑面包店落左好多防腐劑.....聽到都好驚....
真係好想自己整0的, 健康0的0既麵包俾阿仔佢地食

不過, 我一直都好擔心自己會三分鐘熱度

會玩幾次就唔玩, 然後浪費左部機

諗左好耐.... 最後仲係決定放棄......

最近, 知道原來HSBC信用咭換105只係需要$18XX

見到平市價咁多, 師拉嘛.....見到咁心動價, 又點會唔心動呢.....

於是, 我就電晒眼, 跌晒膊, 切法冧掂老細.....

哈, 又估個衰佬唔到喎, 一口就答應啦.....

就係咁, 我就買左部機番黎啦!!!!

0係呢度, 要多謝契姐同佢班同事

因為其實我地兩公婆都係恆生信用咭0既忠實粉絲

完全冇HSBC 0既咭, 幸好, 契姐0既同事幫我地一把

我地先能夠帶到部麵包機番屋企咋.....

傳聞中, 神機105係 0 失敗

結果, 地獄廚神再一次創下紀錄

我0既第一機包......衰得好徹底......

麵包0既質感痴笠笠, 古古怪怪的

幸好, 人地話第一機, 係唔食得

係用黎洗機油0既, 我個心先安樂0的咋....

痛定思痛

第二機包, 決定問清楚契姐

發現, 原來我可能因為想小甜,

落左極小糖, 而令發酵過程做得唔好

最後, 皇天不負有心GILL

第二機包, 終於攪得掂啦!!!!

有左部機之後, 哥哥都好開心

其實佢一向都好住家男, 好鐘意學煮野食架

而家見親我話要整面包, 都話要幫手

咁我覺得都幾好呀!!!

第時10後0的女仔, 恐怕會比我地呢代0既媽咪更地獄廚神啦

哥哥學定兩招旁身, 都叫有一技之長

第時, 萬一聚左個唔識煮飯0既女仔番黎, 兩小口衰極都叫有包食

唔會餓死收場呀嘛.....

哈, 原來麵包機製作真係好簡單

將所有野放晒落去就OK啦

重點就係, 份量一定要落得啱, 咁就掂過碌庶啦

我有信心, 我唔會玩一排唔玩!!!! 

實呈, 呢幾日, 我每日都整左兩底出黎

佢地兄弟二人, 係包包狂迷

食到根本停唔到口

呵, 見佢地吃得咁開心, 我真係好有成功感哦......

短短幾日, 我整過芝麻味包包, 綠茶味包包
提子包, 藍莓包, Cranberry包

今日買左幾隻蕉番黎, 諗住過幾日整香蕉麵包哦.....

遲下, 要整埋朱古力包包添, 希望成功啦!!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!

有低總有高

大家好, 我係鴻仔!!!

一個天色陰暗的中下,

雨.....突然又再無情地灑下!

Gill仔帶著沉重的腳步, 沮喪的心情 , 沉重地講出 "又唔掂啦!"

我" 唔緊要啦!"

GILL" 點解連個天都唔鐘意魚仔!唉!"

無幾耐, 

我要趕住湊朗朗放學,

只好同GILL仔兵分兩路!

WHATSAPP不停響

第一個語音訊息 "考左N次, N次都REJECT! " 

第二個語音訊息"心情真係好低落"

第三個語音訊息"其實細佬都唔係好差, 真係好唔開心!"

第四個語音訊息"點解我咁努力, 都無一次成功!"

第五個語音訊息"考唔到學校係心情低落, 但最沮喪係你幾努力都好, 原來都係一埸空. 
成功率係零, 屢戰屢敗, 從來都未得到過任何成功!"

其實, 事情我就咁睇,
結果雖然每一次都強差人意, 
唔係我地預期的結果, 
我地係改變唔到,
但一定要振作,
用一個積極態度回應每一次的失敗!

失敗.....我地應當作暫時的挫折,
GILL仔, 你明唔明! 喺我地生活, 唔會樣樣事情都順風順水, 
唔掂就諗到掂啦, 
你幾努力都徒勞無功,
係好灰心, 我明架!
我成日都係咁架啦......我仲慘過你!
努力左, 有邊個唔想要成果,
你要明啊, 你想要的結果係未出現, 
一定會有這一日出現!

調番轉咁諗,
一早比你搞掂左, 你好自然就會放軟手腳, 
唔再加緊訓練,
而家係一個好好吸取經驗的好時機!
永遠從失敗中學習,
每一次都能夠好清楚知道自己有何不足, 
之後我相信肯定會出現一個更強大的細佬豬!

我家三個男孩, 更應該要有男子的氣慨,
戰到最後一秒, 都要拼到底!
永不放棄, 努力向前, 係我地一家的精神! GILL仔, 細佬加油啊!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!

灰色星期五

話說, 星期五0個日

哥哥間學校俾多次機會細佬豬

讓細佬豬再IN多次N班

我地滿心歡喜咁去到學校

心裡面諗住, 細佬而家進步左咁多, 實食冇痴牙啦!!!!

果然, 細佬見老師時, 表現卓越, 肯講肯做

見佢考成咁, 我心裡面都非常咁滿足

覺得, 細佬豬佢, 真係不知不覺間, 進步左好多!!!

當時, 真係好開心......

然而, 去到第二部份

見校長時, 細佬卻無神神發脾四

乜都唔肯做, 不斷扭計要走人咁.....

未公報結果, 我都知今次又衰左啦!!!!

其實, 哥哥0既班主任真係待我地好不薄架喇.....

想當初, 我一知道細佬考唔入

就立即搵老師求救, 而老師亦都替我地 FIGHT 到0係一月時IN 多次

點知0個次, 同今次一樣

考老師時, 係考得唔錯

到考校長時, 卻扭計收場

考完之後

心裡面, 真係好難過

覺得, 點解自己總係唔能夠好好咁, 控制到細佬0既情緒....

又覺得, 點解咁努力去改善細佬, 細佬又進步左咁多

仲係冇人肯接納佢呢!!!!

真係覺得好灰.....

亦好擔心黎梗九月, 細佬考K1會唔會好似今次咁, 食晒白果呢.....

細佬今年考三間N班, 淨係哥哥間學校, 都考左成三次

一共 IN 左五次, 五次都唔係 WAITING, 而係 REJECT....

五戰五敗.....呢個100%唔收0既戰果

真係讓我好驚慌.....

你知嘛, 想當年, 哥哥考咁多間N班, K班, 全部都收哥哥!

當時, 我仲好奇怪, 點解BK咁多家長話自己全軍覆沒

而家, 終於好明白0個0的冇學位家長0既感受啦....

真係好難受.....好難受......

壓力好大, 好大......

REJECT到....個人都好冇信心....

細佬佢都唔係好差0者.....點解, 間間都唔肯收佢....

其實, 而家細佬又唔係叫做冇書讀0既

今年N班, 會0係屋企樓下, 佢番開Playgroup 0個間學校度番學

不過, 問題就係, 下年 0 BACK UP

要由頭考過一間學校.....

說實的, 我真係覺得前路茫茫

真係有點兒無助...

而家, 唯一可以做0既, 就係0係呢段日子裡面, 努力咁去改善細佬

讓佢脾氣唔好咁壞, 個人又肯坐定定....

希望, 細佬佢能夠再進步啦....

大家龍b家長, 加油加油哦.........

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!

朗朗做眼檢之optical88 專業謢眼中心

從小到大

我一直都好希望自己能夠近視

好想好想可以帶眼鏡....

唔知點解, 總覺得帶眼鏡好好睇, 好靚.....

可惜.....事與願違.....
我視力唔知點解, 總係咁好, 結果, 帶眼鏡夢碎!!!

最後, 我將呢個小小0既願望

投放左落自己0既伴侶身上

咁多年黎, 我0既擇偶條件如一, 非四眼仔不嫁

哈, 結果, 我真的嫁了給四眼仔!!!

雖然, 真係好鐘意四眼仔

但係, 卻好唔願意自己個仔成為四眼一族

又因為鴻仔係大近視

而近視, 卻係會遺傳

所以, 我地一直都好擔心阿仔對眼會出事

朗朗一踏入四歲

我就拿拿臨, 諗住打去政府預約, 俾佢驗一驗眼!!!
不過, 原來政府預約個電話, 總係長響冇人接架設!!
最後, 連book 都book 唔到.......簡直係激死人呀.....
而且, 聽0的街坊講, 其實佢地都check得頗流下
check 左同冇 check 冇乜分別...
於是, 把心一橫, 就決定出去 optical88 專業謢眼中心徹底檢查檢查喇!!!

好, 去相


去到眼鏡 88
爸爸哥哥都超緊張 

首先, 就係用中間呢部儀器, 初部量度度數

遠視, 近視同散光都可以有個約數....

成件事, 好簡單

就好似我地大人量度度數一樣

三分鐘攪掂晒!!!

然後視光師姐姐就開始替朗朗檢驗眼球活動能力啦!!!

檢查瞳距

呢副超, 勁野黎架!
用完儀器去初部量度完度數之後
視光師會親自為小朋友再詳細驗眼, 確認一下度數!!!
準成度絕對高架!!!

見到螢幕上有三個字嗎?

前面有塊鏡, 需要小朋友讀出三個英文字母

 朗朗睇唔到喇.....

要出貓啦.....

視光師因應朗朗睇唔到, 不斷為佢替換鏡片

務求讓佢睇得清, 看得透為止

結果, 哥哥原來有輕度遠視, 小小散光

幸好, 視光師話無需擔心

原來一個四歲小朋友有輕度遠視係非常正常

去到小學, 遠視情況就會慢慢改善

測試色盲

帶上3D眼鏡

測試眼睛對立體感0既反應

視光師好細心

一路為朗朗驗眼, 又一路解釋番俾家長聽, 眼睛0既結構

遠視近視0既成因, 基本上這張圖可以讓家長更容易明白究竟

最後, 仲替朗朗量度眼壓，係檢查青光眼0既其中一個重要資料。

依家就係幫朗朗檢查緊視網膜

眼底視網膜圖片

睇睇朗朗眼睛有冇出現問題，即係有無穿洞，黃斑點位置有無唔正常變化!!!

溫馨提示: 0係檢查視網膜健康同影眼底相前, 視光師會為小朋友滴眼藥水

這種眼藥水會讓瞳孔擴大, 然後近距離0既視力會減弱

4-6小時後, 就會回復正常, 請大家放心

 其實朗朗算係咁上梗架喇
全程都坐得好定, 從來冇一刻諗過要逃離現場
算表現幾良好0架喇......

大功告成!YEAH!

最後視光師建議

小朋友一年應該檢驗一次!!!

雖然政府都會為滿四歲小朋友提供免費驗眼

但都建議俾小小錢搵專業0既視光師測試眼睛

因為成個過程, 真係做得非常咁仔細

而且, 真係好專業囉.....

眼睛好梗要架, 當然要謹慎0的, 認認真真的檢驗啦!!!

想了解一下, 請 CLICK 下面
http://www.optical88.com.hk/eyecare_centre/index.php

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!

取捨

近黎, 我興起一個小小的想法

總係諗唔通, 想唔透, 心裡面七上八落的.....

係咁0既......兩隻仔都開始大喇

如今, 魚仔都開始上兩歲班啦......

得閒0既時間多左, 人空虛左

於是, 偶爾會0係度諗, 我.....係咪應該出番黎做野呢???

供養兩隻仔, 真係一0的都唔簡單架....

支出好大.......知道鴻仔都好辛苦.....

而且, 我亦唔願意無無謂謂咁過日子

而家, 先係30幾歲......

唔想同社會脫節, 想過番以前自由自在0既生活

而且, 如果太耐冇做野, 我諗出到去都好難搵工....

說實的......真係開始有小小想工作啦.......

問過朗朗, 其實朗朗係接受的

仲同我講: 媽咪, 如果你番工, 我會好掛住你架......

聽到呢度, 我覺得好SWEET, 亦好安慰, 

阿仔佢真係大喇, 生性左好多

至於魚仔呢.......

冇問過魚仔0既意見, 大概講佢亦都唔會明白

其實一諗到魚仔, 我就有小小想打消呢個念頭啦.....

魚仔雖然番兩歲班0者, 但係, 呢個年紀

其實, 仲係好需要媽媽架.....

就係咁, 我心裡面就不斷的掙扎, 徘徊0係理性與感性之間.....

琴日, 我見左份工, 仲未知會唔會請我.....

請左, 又唔知會唔會做......

做人, 有時真係好茅盾.....

總係好想事情能夠兩存其美, 但係事實卻總要取捨.....

唉........究竟.......要係點至最好呢......

想唔通, 諗唔透....


不過, 大概我應該都係會唔捨得離開佢地架喇.........

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!

開心樂園餐 x Super Mario

上星期六, 多謝國皇的婚禮0既介紹, PR姐姐0既邀請

我地一家四小口出席左開心樂園餐既blogger event

仲係第一次出席麥當勞0既活動

哈.... 真係讓我覺得好開心

感覺有小小重拾童真哦....

我地80後0既年代

真係冇乜邊個唔識呢位響噹噹, 紅透半邊天0既 Mario!!!

想當年, 我都係佢0既小粉絲黎架!!!

成日成日都好想擁有一部紅白

好想可以日打夜打

可惜, 事與願違

婆婆一直都下左禁機令

最後, 我同 Mario 只能天角一方啦......

所以, 都真係好開心

好開心今次能夠出席麥當勞 "SUPER MARIO的蘑菇王國" 0既blogger event

可以近距離接觸兒時偶像Mario

又同佢握手, 熊抱.....

不知重拾幾多童真耶.....

好, 去相

SUPER MARIO 的蘑菇王國
今次0既BLOGGER EVENT 真係人才濟濟哦.....
勁多BLOGGER呢....

好鐘意呢個 balloon 扭成0既 Mario 哦...超可愛呢.....

(不過佢0既命運巧坎坷, 不斷俾班小朋友糟質囉....哈哈)

去到已經見到Mancent啦

兩小口, 玩到失晒控

不斷狂跑, 狂跳, 狂尖叫

形影不離尤如親兄弟

(但擺明上次仲爭女爭到面阻阻)

可愛 Marcus

 如果佢係我個仔就好喇......

魚仔今次算係咁上下啦

起碼無發狂, 冇典地!!!

4個男仔一個墟

點左兩個餐

兩隻野, 隻手好似裝左摩打一樣

薯條一條接一條, 快到你唔信呀.....

靚女Mario 替我地介紹是次活動

遊戲時間

每人一副puzzle

又可以自己填色, 又可以畫上自己鐘意0既公仔 

就0係呢個時候, 大頭妹復活喇!!!

可以一齊玩喇......yeah!!!

6隻腳, 齊晒人

super 咁開心

重頭戲黎喇

我個 Mario 哦......

真係型英帥靚正哦......

我直頭忍唔住想尖叫呢...... (我講野總係咁誇張, 哈哈)

最後, 仲送我地一套8款0既玩具添

隻隻都堅得意, 仲暗藏機關添架

呢8款得意玩具, 將於16/5起開始換購

鐘意 Mario 0既朋友, 真係萬萬不能錯過呀!

由 16/5/2014 起

 碧姬公主旋轉印章 

瑪利歐與終點旗杆

由 23/5/2014 起

瑪利歐得分？磚塊

 

由 30/5/2014 起

瑪利歐與水管

恐龍耀西衝衝衝

 

由 6/6/2014 起

與瑪利歐一起投擲回力標

 

由 13/6/2014 起

搖擺小企鵝瑪利歐

 

由 20/6/2014 起

發射威力火焰球

 

順帶一提

凡購買一份麥當勞開心樂園餐

麥當勞都會捐出1毫子給

麥當勞叔叔兒童之家慈善基金

食飽玩飽之餘仲可以做埋善事, 一舉三得, 非常有意思！

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!