英國文化協會open day

哈, 多謝英國文化協會0既邀請

0係過去0既星期六

我同朗朗參加左協會舉辦0既 Open day, 開心開心!!!!

唉....原先, 打算同細佬豬三人行架....

可惜啦, 佢無啦啦俾哥哥傳染左, 患上腸胃炎...

結果, 冇得玩都算, 仲要入埋廠, 去左急症室.... 

真係陰公陰公豬哦......

好, 去相

可憐0既豬細佬

今次節目預唔到你喇......

唯有等你好番, 再同你補番數, 帶番你去玩啦!

查實呢日哥哥都唔好得去邊

都仲有些小肚疴, 些小作嘔

不過, 已經好過之前0個日好多好多啦.....

黎到呢條長電梯

朗朗已經開始認得啦.....

哈, 因為查實表姐正正就係0係英國文化協會學英文

哥哥細個0個時, 間中都會跟婆婆黎呢度接表姐架

YEAH, 到逹啦!!!

3/F 有 BOOK FAIR

0係參觀 BOOK FAIR 之前

我地先參加英語課程體驗日!!!!

呵, 英國文化協會咁聞名於世

可以上佢地0既 trial lesson, 真係太好喇....YEAH

兩位Net teacher 口音都好純正

而且, 講故事時, 表情語氣都好生動

又會不時問問小朋友問題, 大家一問一答, 好互動

睇得出, 小朋友們都好投入, 玩得好開心! 讚!!!!

而且, 我好鐘意佢地0既活動教學

透過呢個遊戲, 朗朗又認多左好多字啦!!!!

唱完歌, 講完故事, 再玩完遊戲, 

係時候要做小勞作啦!!!!

1.5小時0既試堂就咁結束

朗朗好享受整個課堂哦!!!!

上完堂, 順便睇下有乜野書好買

都唔係貴喎!!!! 

玩完走人

再同我個小寶貝集合.....

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!

人力觀光巴士之旅

哈哈, Kastre ee 總係有好多好介紹架!!!!

話說, 有一日, 佢突然話想坐人力車觀光巴士

查實, 我真係一0的興趣都冇0架....

心諗, 遊車河咁..... 有乜咁好玩0者.....

不過, 又費事掃佢興啦

而且, 此行係為朗朗同 Max慶祝生日, 又唔好意思推!

於是, 就齊齊出動, 黎左個動感觀光巴士之旅喇!!!!

好, 去相

重申一次, 對於呢部自由行觀光巴士, 我0既興趣真係唔大

唔知點解, 總係覺得好悶, 好悶, 好悶

但係, 呢班小男孩呢.....卻有著不同的見解

一見到咁有型0既開蓬巴士

已經歡喜若狂, 不斷尖叫尖叫再尖叫

個個都熱切期待中......

部車其實都叫ok靚仔0既

不過, 遊車河的話

我會prefer同個好多腹肌0既型男, 坐住部靚靚跑車多0的囉.....

(同呢班嘈怨巴閉0既蛋散, 坐住呢部咁0既車遊車河......

真係有點兒那個.....你懂的....)

yeah, 8逹通係時候出動啦!!!

勁多人, 勁多自由人

全程車$33

由中環遊到金鐘, 再過埋海, 尾站尖沙咀

查實都叫幾抵玩!!!!

排得前, 可以坐車頭位置

開心開心

一邊等開車, 一邊影影相

真係多謝 Kastre ee 為我們帶來驚喜

原來車, 總係會讓男孩子著迷

呢個觀光巴士, 真係超啱男仔玩

今次除左 Max 之外

仲有以恒, 以立齊齊出動

巴士開啦!!!!

小朋友們勁興奮!!!!

每次, 一經過随道, 矮樹

佢地就high 爆話自己差小小就掂到, 差小小就掂到

開蓬0既車頂, 比我想像中的吸引小朋友哦......

好震撼0既景色哦......

架車一路行, 佢地就一路自 high

細佬直情係笑到停唔到

巴士左兜右兜

一邊行, 一邊話俾小朋友知呢坐建築物係乜, 0個度又係邊樹

大家都好享受當下0既時光

今次衷心多謝 Kastre ee 

呢個讓小朋友又開心

大人又玩得輕鬆0觀光車之旅

真係唔錯唔錯!!!!

老實講, 真係勁啱男孩子玩囉!

所以, 有囝囝0既媽媽, 真係可以考慮去玩番轉哦!!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!

病到嘔

嘩....呢幾日真係超攰....
自己已經兩行鼻涕架喇.....
哥哥仲無啦啦患上腸胃炎, 後黎仲傳染埋俾細佬豬添.....
真係 OMG..... 

講起黎, 今次真係要多謝婆婆
都唔知係我好采, 定係婆婆超級唔好采
話說, 星期六0個日
我地即興, 去婆婆樹打邊爐
打到尾升, 我又再即興, 掉低兩隻仔
決定要同鴻仔二人世界嘆糖水
其實, 想當初, 婆婆打死都唔肯收留細佬架喇....
但我一意孤行, 賴皮走人
最後婆婆無計可施, 唯有硬食
點知, 不幸0既事, 就接二連三纏繞住婆婆

當我同鴻仔嘆梗咁精緻0既甜品之時
電話突然響起WHAT'S APP
我心諗.....呢個婆婆, 又WHAT'S APP 埋怨我, 真係巧鬼煩....
聽完訊息, 我對婆婆深感同情
嘩, 呢獲野, 我都真係好明白
唔埋怨下, 真係好難洩心頭之憤

原來, 九點半鐘, 婆婆叫醒朗朗食藥, 順便 VV 
VV下, 哥哥突然卜卜兩聲
初時婆婆不以為意, 以為朗朗放屁
點知, 望真0的, 原來哥哥佢卜卜兩聲噴出黎0既, 竟然係POO POO....
因為佢腸胃炎, 0的POO好水狀
有時, 好似放屁咁, 就會噴出水狀0既POO POO 了
婆婆話, 噴到佢一地都係
企佢後面侍候佢疴尿, 自己條褲都中晒POO
俾佢激到真係彈下彈下.....

哈.....真係唔好意思哦, 婆婆.....

以為噴POO已經係終極黑仔啦
點知, 衰野一浪接一浪
去到凌晨三點, 原先冇病冇痛0既細佬突然狂咳
咳咳下, 仲嘔埋起黎添....
嘔到一床都係, 嘔到嘈醒埋哥哥

再來一次.....婆婆, 我真係深感同情
其實我明架.....凌晨三點..... 已經夠眼訓架喇.....
仲要成床嘔吐物, 又要清潔張床, 又要替細佬換衫
0係呢個手忙腳亂之時, 哥哥大叫吐餓, 0係樹扭計, 麻麻煩煩咁
如斯情況, 我都諗到....會有幾咁想殺人....

其實, 原先呢一切一切, 都並唔關婆婆事架
實呈, 我都覺得佢好鬼無辜
無啦啦受晒呢0的衰野....
唔好意思呀, 婆婆.....
今次, 真係難為你了, 哈哈.....

講番佢地兩兄弟先....
今日, 哥哥仲有小小肚疴, 亦嘔過一次
比起尋日, 似乎已經好番0的啦....
大概....漸入佳境,漸入佳境了....
至於, 細佬呢, 佢就啱啱病發....
今日嘔得好嚴重呀....真係擔心死我.....
適逢今日係星期日
周圍都冇醫生睇喎, 急死我啦....
最後, 我地決定帶佢入院.....
希望佢聽日會好0的啦......

呢排0的菌真係好勁呀, 大家都要注意身體哦!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!

同表姐同遊長洲

之前都講過

0係朗朗生日會時, 表姐入左黎我地屋企玩

翌日, 我地一家大細, 決定殺入長洲

黎番個暴飲暴食之旅

好, 去相

yeah.....好耐冇去過長洲啦.....

嘩..... 呢獲野先知....

原來, 坐船入長洲, 即使係快船, 都要成40分鐘

咁啱, 我地撞正慢船....OMG.....坐足1個鐘.....

呢一個鐘, 真係唔易捱架.....

細佬B一時又話要POO POO, 一時又要0係架船度巡遊

真係幾經辛苦, 先到逹終點站.....

入到長洲, 正值午飯時間

立即要搵食

大排檔0既馳名豬排河.....唔錯唔錯

哥哥初嘗奶油多, 十級興奮

(哈, 竟然影到細佬豬隻怪手偷食.......)

不得了, 不得了

竟然發現芝士焗生蠔.......

見佢大大隻, 靚靚仔仔咁, 真係忍唔住, 又要開餐啦!!!

都幾大隻下架, 而且佢地用洋蔥煙肉焗

好香口, 我覺得都OK, 幾好食

婆婆就食左焗帶子

YUMMY YUMMY

轉個頭0者, 表姐同朗朗就捧住呢大杯沙冰出黎啦...

嘩, 真係何其壯觀......

聽表姐講, 呢個沙冰真係超級抵食

只不過10零蚊就有交易啦

食左一大輪, 終於可以起行啦.....

上次見朋友入長洲行山

又有瞭望台, 又睇到大海

其實我都好想去行下

不過, 婆婆呢條大懶蟲..........

行多兩步又話腳痛, 見到野食又大叫肚餓.....

有佢0係樹, 點可能實現行山之旅架!!!!

於是, 下一站

仲係食食同埋食......

呢個就係傳說中勁好味的紅豆餅

(查實我覺得一般般0者, 名過其實!!!!)

見到排晒長龍, 仲以為自己遇上好野

呢0的, 真係典型香港人心態

排晒長龍....呢解呢串薯片會冇鹹冇味架.....

雖然咁唔好味, 但細佬卻搶住食.....

有時, 我都唔明細佬架......

點解乜屎垃圾, 佢都可以食到咁鬼滋味架呢......

份人真係好鬼飢不擇食

(希望佢第時選女朋友時, 唔會係咁啦.....)

搶住食, 搶住食

條友食到停唔到口

終於........大家都收手啦......

女人總係咁, 食飽左, 又後悔自己食得太多

一諗到肥, 就立即想做下運動.....

聽表姐講, 上次佢行上長洲山頂, 可以睇到櫻花

哈, 又好!!!!!冇得睇櫻花, 都叫可以做下運動嘛..... 

呢個咁艱辛0既活動

婆婆梗係唔會同我地去顛啦.....

最後, 我地4人成行

一齊怒跑, 尋找櫻花.....

不消一會兒, 就到逹了呢座小寺廟

呢個月份, 當然唔會見到櫻花啦.....

冇所謂啦!!!

對我黎講, 最梗要係減番剛才0個0的卡路里0者.....

 好快, 又回到起點

做左20分鐘運動

一落到黎, 魔鬼又黎誘惑我.....

我次次入長洲, 都實會食呢舊紅豆糕

真係超級好吃........ 

然後, 表姐話要食呢舊炸雪糕

又真係幾新奇0既......

再黎, 長洲大魚蛋

表姐, 咁食法

跑多十公里都冇用啦......

小心你會踏上婆婆呢條肥妹之路呀......

嘩, 長洲這些年又會咁鬼多野食都有0既.....

下次真係唔敢再黎啦......

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!