大家好, 我係鴻仔!!!
說好的驚心動魄之旅新加坡篇終於肯寫啦!
意外真係意料之外,
往往都會嚇我地一跳,
所以, 旅遊保險就真係點都要買,
放心, 我唔係SELL保險, 我唔係做保險架!
呢個新加坡新山之旅可謂多災多難,
災難一: 都唔係好明, 身體一向比較好的魚魚, 每次去旅行前總會病,
仲要次次都發燒, 有無咁邪啊......
每次都要擔心魚魚最後上唔上到機!
去旅行嗰幾日又呆呆滯滯, 小朋友病大朋友都好辛苦架,
唉!
災難二: 去到legoland, 天氣又熱woo,
行行下, 突然覺得條頸好痕,
我就一手捽下條頸,
一捽我就大叫啦,
好似有嘢咬左我一啖,
再望一望隻手,
我心諗"咁都會發生, 拍蜘蛛俠咩!!!"
行行下天降蜘蛛, 咬我一啖,
十足十蜘蛛俠橋段!!!
仲要痛仲我一整日!
災難三: 無啦啦有一晚, 朗朗瞓到零晨一點左右,
突然大叫"耳仔好痛.....好痛....好痛......"
我地當時以為過一陣就會無事, 以為佢發惡夢!!!
點知比發惡夢更可怕,
朗話兩隻耳仔都好痛,
無幾耐朗朗再瞓返,
大約零晨三點再次大叫"好痛啊!"
我心都慌埋,
半夜三更唔通真係要去醫院!!!
好彩有婆婆喺度,
婆婆話比朗朗知你耳仔痛因為有耳屎......
仲即興表演一次挖耳屎!!!
令朗朗即場捧腹大笑,
一次又一次挖出唔同大小的耳屎,
朗朗目定口呆歎為觀止!!!
第二朝起身又無事無幹,
所以我地返香港先再跟進朗朗隻耳仔!!!
災難四: 呢個災難係四個災難之中最高級別,
又有一晚,
兩隻仔準備沖涼,
我攞埋毛巾就入浴室,
一行到浴室門口, 我眼見魚魚用盡全力推玻璃門,
估唔到的一幕的發生,
當時魚魚企喺玻璃門後面, 而朗朗就正正企喺玻璃門前面,
我就企喺浴室門口, 相差大約三米左右, 其實都好近,
千鈞一髮之際,
坪一聲, 玻璃門破裂,
玻璃碎成頭淋落朗朗頭上, 似落雨一樣!
我都好想似都敏俊咁將嗰一秒停下勇救兩個仔,
當時嗰一刻唻唔切反應, 因我無預過爆玻璃!
我即場反應係唔唻三七廿一, 即係沖入去救晒佢地兩個出唻先,
一手抱起兩個放落張床,
我同gill仔講"一人睇一個, 快d睇, 由頭check到落腳, 你而家睇朗朗,
一定要睇佢個頭先, 佢個頭食到好應啊!!!!"
GILL大叫" 血啊.....個頭流血.........."
我"頭上面有玻璃碎....唔知插左落個頭定係喺頭皮上面! 去醫院啊, 快.....
打落LOBBY, 同佢講爆玻璃, 小朋友頭流血, 要去醫院! 快......."
唔夠三分鐘, 已經有十個酒店職員上左房間,
帶埋救護箱上唻,
立即幫朗朗包紮傷口!!!
幸好.....經醫院檢查...只是皮外偒......
真係鬆一口氣, 不幸之中的大幸,
老士d講句...寧願玻璃爆頭嗰個係我!!!
睇到以下呢張相.......真係要大叫一聲好彩無乜事,
當時一個就企喺白毛巾上面, 另一個就企喺玻璃門後面,
而我就無助地眼白白睇住佢地爆玻璃!!!
意外真係意料之外,
往往都會嚇我地一跳,
所以, 旅遊保險就真係點都要買,
放心, 我唔係SELL保險, 我唔係做保險架!
呢個新加坡新山之旅可謂多災多難,
災難一: 都唔係好明, 身體一向比較好的魚魚, 每次去旅行前總會病,
仲要次次都發燒, 有無咁邪啊......
每次都要擔心魚魚最後上唔上到機!
去旅行嗰幾日又呆呆滯滯, 小朋友病大朋友都好辛苦架,
唉!
災難二: 去到legoland, 天氣又熱woo,
行行下, 突然覺得條頸好痕,
我就一手捽下條頸,
一捽我就大叫啦,
好似有嘢咬左我一啖,
再望一望隻手,
我心諗"咁都會發生, 拍蜘蛛俠咩!!!"
行行下天降蜘蛛, 咬我一啖,
十足十蜘蛛俠橋段!!!
仲要痛仲我一整日!
災難三: 無啦啦有一晚, 朗朗瞓到零晨一點左右,
突然大叫"耳仔好痛.....好痛....好痛......"
我地當時以為過一陣就會無事, 以為佢發惡夢!!!
點知比發惡夢更可怕,
朗話兩隻耳仔都好痛,
無幾耐朗朗再瞓返,
大約零晨三點再次大叫"好痛啊!"
我心都慌埋,
半夜三更唔通真係要去醫院!!!
好彩有婆婆喺度,
婆婆話比朗朗知你耳仔痛因為有耳屎......
仲即興表演一次挖耳屎!!!
令朗朗即場捧腹大笑,
一次又一次挖出唔同大小的耳屎,
朗朗目定口呆歎為觀止!!!
第二朝起身又無事無幹,
所以我地返香港先再跟進朗朗隻耳仔!!!
災難四: 呢個災難係四個災難之中最高級別,
又有一晚,
兩隻仔準備沖涼,
我攞埋毛巾就入浴室,
一行到浴室門口, 我眼見魚魚用盡全力推玻璃門,
估唔到的一幕的發生,
當時魚魚企喺玻璃門後面, 而朗朗就正正企喺玻璃門前面,
我就企喺浴室門口, 相差大約三米左右, 其實都好近,
千鈞一髮之際,
坪一聲, 玻璃門破裂,
玻璃碎成頭淋落朗朗頭上, 似落雨一樣!
我都好想似都敏俊咁將嗰一秒停下勇救兩個仔,
當時嗰一刻唻唔切反應, 因我無預過爆玻璃!
我即場反應係唔唻三七廿一, 即係沖入去救晒佢地兩個出唻先,
一手抱起兩個放落張床,
我同gill仔講"一人睇一個, 快d睇, 由頭check到落腳, 你而家睇朗朗,
一定要睇佢個頭先, 佢個頭食到好應啊!!!!"
GILL大叫" 血啊.....個頭流血.........."
我"頭上面有玻璃碎....唔知插左落個頭定係喺頭皮上面! 去醫院啊, 快.....
打落LOBBY, 同佢講爆玻璃, 小朋友頭流血, 要去醫院! 快......."
唔夠三分鐘, 已經有十個酒店職員上左房間,
帶埋救護箱上唻,
立即幫朗朗包紮傷口!!!
幸好.....經醫院檢查...只是皮外偒......
真係鬆一口氣, 不幸之中的大幸,
老士d講句...寧願玻璃爆頭嗰個係我!!!
睇到以下呢張相.......真係要大叫一聲好彩無乜事,
當時一個就企喺白毛巾上面, 另一個就企喺玻璃門後面,
而我就無助地眼白白睇住佢地爆玻璃!!!
