陪仔散步

踏入九月之後

一直都為細佬報幼稚園而奔走

上星期六

嘩, 去左兩間幼稚園 open day

然後, 再去另外兩間幼稚園交申請表

一日趕四場, 真係暈得一陣陣

黎梗呢幾個星期, 將會不斷的面試, 面試同面試

諗起, 都覺得好疲累哦......

呢段時間以黎

日忙夜忙, 生活在一片混亂當中

每逢星期日, 我真係攰到乜都唔想諗, 邊度都唔想去

淨係想躲在被窩裡, 訓醒就食, 然後食飽就訓

不過, 理想還理想, 現實終歸現實

阿仔佢地又邊會咁疏爽, 肯俾我做豬一樣的媽咪呢......

星期日

午睡過後, 兩隻野捉我遊街

初初只係諗住膚衍佢地, 0係樓下公園 hea 下 hea 下, 過日晨架咋

點知佢地突然衝破我0既防線

一直向外走, 走到哈佬喂條路

係咪想問我乜野叫做哈佬喂條路呢????

我地屋企附近, 有條好長0既路

年年halloween都有活動, 家家戶戶都會佈置得好有氣氛架

呢兩個暴民, 衝破左我防線之後

就愈走愈遠, 愈走愈遠

其實我都估到佢地架喇

臨近 halloween, 兩隻八婆仔, 梗係想八下人地佈置好未啦......

上個星期, 可能仲未算好近 halloween

我地行左好一段路, 都未見有乜動靜

皇天不負有心人

終於, 佢地遇上喇!!!!!

阿哥超開心, 細佬相反就有小小憂心

個樣好驚好驚咁款, 真係好儍氣哦.....

好邪惡0既巫婆哦.....

後黎, 兩隻仔愈行愈興奮, 我就愈行愈頭暈

(查實, 我本身真係諗住俾佢地0係樓下 hea 跑10分鐘架咋,

你知嘛, 結果行呢段路, 行左我90分鐘哦......)

又熱, 又冇帶水出去

而最重點係, 我連銀包都冇帶呀........

回程想坐車都唔得......

你話救命唔救命......

算喇, 見佢地遊得咁開心

辛苦下, 算係乜呢......

知你地好期待今個星期五哈佬喂架喇

叫爸爸攞埋假陪你地去顛添, 希望你地到時會玩得開心啦!!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!

我的拍拖小記

呵呵, 又有得拍拖拖喇....真係超級爽呢......

實在要多謝婆婆哦....

多得佢咁合作, 肯接收我0個對麻煩友

我地至能夠安安心心去拍拖......

近呢一年半載

心境真的改變了唔少

以前, 初初生朗朗時

我總係凡事緊張, 每事過敏

要我放低阿仔, 出去行街, 睇戲, Shopping,...

真係絕對係冇冇冇可能......

0個時, 我眼裡面, 滿滿都係阿仔, 阿仔同阿仔

日日都為仔死, 為仔亡, 發仔瘟咁.....

然後不知不覺間, 就忽略左鴻仔喇.....

幸好, 鴻仔並唔係0個種只會一直啞忍0既人

佢都會向我表達佢0個顆恨拍拖的心

終於, 我明白喇........

湊仔還湊仔, 湊完細仔, 都梗要湊番個大仔0既

兩夫妻, 有時的確需要有共處0既時間

於是, 近年, 只要有位我攝

我就會抓緊機會, 同鴻仔出去行下, 食下

上個星期, 咁啱, 細佬學校放一個星期假

咁啱, 婆婆又得閒幫忙

於是, 我地就去左小遊赤柱鳥

yeah, 去相

未出發, 先潮聖

其實, 一直都好掛住一蘭碗拉麵

不過, 真的好怕同人迫, 所以遲遲未有潮聖

呢日, 11:30, 無人時段過去

呵....終於食到喇.....

裝修同日本一蘭真的很相似

至於味道呢......

唔知係咪回憶總是美麗.....

總覺得日本好味小小.....

不過, 說實的, 也是一碗很好吃的拉麵呢.....

yummy

轉個頭, 我地就去到赤柱喇.....

(啱啱0係車訓醒, 個樣勁嚇人......)

真係有一, 兩年冇入過去喇, 裡面變左好多

原來而家赤柱有個許願大樓

見到嘛, 我要做沒女.......超爆笑..... 咁0既願都有人許......

今日天氣好好, 好適合拍拖呢..... 哈哈

成日覺得, 赤柱真係一個好 relax 0既地方

行下市集, 食下雪糕

已經好滿足

heheeee, 其實我係雪糕車0既忠實粉絲黎架

見親都要食......

超 hea

食完, 行下, 再坐下

再坐下, 再食下

咁就一日

哈, 我發覺真係唔掂

如果日日咁拍拖, 唔係食就坐

真係唔知會肥幾多磅.......

再一次感激婆婆

咁樣休息一日, 拍拖一日

成個人都鬆晒......

希望, 12月, 放聖誕, 可以再同鴻仔拍拖拖啦, 哈哈!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!

契姐生日飯 - Penthouse

噢, 真係好耐冇寫過BLOG喇.....

好掛住大家哦.....

本來, 並唔係想停 BLOG 咁多日架.....

最衰都係鴻仔啦, 份人成日都懶懶散散咁, 

居然三個月都冇交過上網費, 攪到俾人 CUT 鬼左

BLOG 都寫唔到, 真係陰公豬呀....

太多野未寫喇

首先講番契姐生日飯先

呢一年半載, 生活真的各有各忙

我有我忙湊仔

你地有你地忙拍拖, 忙工作

真係小左出黎聚聚哦...

有時, 真係好念掛住讀書時代0既生活

每日都總係能夠同你地待在一起

一齊0係課室蝦蝦霸霸

一齊放學後0係樹講是講非

因為你地, 我至有一個咁瘋狂0既校園生活

不經不覺, 我地已相識十載

雖然, 再唔能夠常常相約閒聊

但係, 我地並沒有因此而變得疏離

我仲係好鐘意, 好鐘意同你地一齊

有時, 我真係好佩服我地

仿佛咁多年黎, 都冇變過

總能夠雞啄唔斷, 成班8婆仔咁

總係能夠維持每一刻鐘都咁顛喪, 好一班大笑姑婆!!!

願我地友誼永遠長存

我愛你地

8月生日之星 - Kimmy 姐姐

9月生日之星  - 契姐

祝你地生日快樂

祝你地永遠幸福

去相

今次契姐生日飯選擇左去銅鑼灣 Penthouse

環境真係一流

裝修時尚, 而且個景真係正到冇朋友

彷彿整個銅鑼灣, 就0係你腳下面

好可惜.....呢餐飯出現左兩隻大怪獸

怪獸一號, poo 皇之皇

食到最開心之際, 竟然要我陪佢poo poo

真係...........陪完佢, 乜胃口都冇晒

怪獸二號 - 超級麻煩友

食兩啖又掛住玩

一路做住電燈膽

嚴重地阻住阿媽同班朋友吹水囉

呢度沙律都幾好味

 特別欣賞佢0既泰式沙律

酸酸辣辣, 勁開胃呢

呢餐飯, 真係食左都背脊骨落

兩兄弟左右門神咁, 輪住要我照顧

攪到明明一餐好好0既午餐, 我都無法好好享受

睇到嗎??? 細佬一時擒抬, 一時落地

失晒控咁, 叫我點食.....

下次都係軟禁佢地兩兄弟為妙呀........

呢個阿哥, 淨係食甜食, 見到佢就火

主菜

評唔到喇

湊住兩隻野, 食而不知其味

呢個意粉0既面條, 係餐廳自己做出黎架

真係好好好煙韌, 唔錯唔錯

契姐話呢樹好出名食牛

我就覺得韌左小小

不過, 又唔會話太差0既, 一食無妨

我極度欣賞佢0既甜品, 甜而不膩

(不過可惜我影得唔靚)

無經無險, 又吃左一餐

下次同老朋友再會, 恐怕會係聖誕喇

聖誕真係唔好咁辛苦喇, 留0係屋企home party 算喇

湊住佢地, 真係邊度都唔想去哦......

謝謝你地包容我兩隻仔

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!

細佬大獲鳥........

尋日, 同細佬去左崇真 Interview

唉........真係O晒咀, 估細佬唔到呀.........

其實, 人地 in 得一0的都唔深

主要都係問下佢叫乜野名, 坐0係後面0個個係邊個

問佢眼耳口鼻, 同 matching

呢0的野, 基本上細佬係識架

但係, 佢就唔知點解, 突然同我玩含羞.....

乜都唔肯答, 乜都唔肯做

俾人問多兩句, 仲含淚, 想撲埋黎我度添....

講真, 我真係冇諗過事情會係咁樣發生.....

細佬份人, 一向都好熱情, 
朝朝落樓見到0的街坊, 實會笑笑口, 同人say hello

答問題呢方面, 我都係愁都冇愁過

反而, 一直都好擔心佢過度活躍, 會坐唔定

成日都覺得, 佢會 in in 下, 0係課室跑黎跑去, 玩走人

點諗到, 一向笑口噬噬0既細佬, 原來會係怕醜仔一名呢????

其實, 對上一個星期, 同佢出街, 都覺得佢有0的怕陌生人架喇

不過, 當時以為佢眼訓, 所以唔想理人

冇諗過, 原來, 佢真係堅驚陌生人

而家, 真係好擔心呀.....

因為11月1日開始, 陸陸續續, 會有好多 interview

咁短0既日子, 叫我點去訓練佢呢.....

唉...... 點算, 點算.......

細佬會唔會冇學校收呢.....

請問, 有冇人可以教下我呀????

巧巧巧擔心呀......

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!

水晶包, 我們的小小小甜心

之前都提過喇....

我地周家終於有位小小小千金喇!!!

真係要拍拍手掌, 恭喜二叔二嬸呢!!!

唔經唔覺, 小小水晶包已經半個月大喇

係一個百折不拘0既睡公主黎架

探親佢, 佢都一直0係樹訓, 訓同埋訓

幾乎沒有一刻係清醒架, 真係超級可愛哦....

見到佢, 細細篤, 我真係好懷念兄弟二人剛出世0既模樣呢.....

哈, 真係有一刻衝動, 想去勾引鴻仔, 迫佢生第三個呢.....

(鴻仔睇到呢度, 應該滴汗中吧, 哈哈)

講下兄弟二人先

對於自己有個小堂妹, 兩兄弟都非常咁開心!!!

哥哥一向都係愛心大使, 好鐘意照顧小朋友

所以, 我都估到佢會好錫妹妹架喇....

呢頭探完妹妹, 0個頭又話要再探佢喇.....

至於細佬豬呢, 雖然佢又唔係好識講, 好識表逹

但我見佢望住妹妹時, 個樣一直都好冧咁款

有時, 又會無啦啦走埋妹妹度, 笑笑口指住妹妹, 大叫妹妹, 妹妹咁

哈, 我相信, 佢都好 LIKE 妹妹0者

未來0既日子, 媽媽希望兩位哥哥, 你地能愛錫妺妹

真的好希望, 你地能夠一齊成長

將來大個, 感情就好似你爸爸, 二叔同四叔一樣

即使好似而家三十歲人, 依然能夠互相照應, 相親相愛!!!

細佬決戰幼稚園

唔經唔覺, 又去到十月喇....

十月對於龍b媽媽黎講, 應該會係一個非常忙碌0既月份

呢個月, 我不斷的蒲baby kingdom

不斷的硏究有乜野學校適合細佬豬.....

簡直係身心疲累呀......

我地0既細佬豬, 說實的, 講野一0的都唔叻

最近先開始學習講句子

說話一句起, 兩句止

每句最多三個字........

對於考幼稚園, 我同鴻仔真係一0的把握都冇呀

而且, 經過上年三考三reject呢一役之後

我地0既自卑指數, 悲觀指數, 全部都去到歷年新高

講真, 壓力真係好大, 有幾晚, 仲因為咁而搞到失眠添....

而家, 大大話話替細佬報左都有7至8間幼稚園

以佢咁0既狀態, 考7間, 我真係覺得唔夠架....

條友仔, 講野唔叻都算啦

仲要坐唔定, 十問有唔應

in in 下, 自己行出門口, 佢都一定做得出架

所以, 唔理三七二十九定二十八喇

我諗, 最小要替佢報12間....

真係好病態, 而且好變態呀...

不過, 我真係冇得揀, 龍b競爭實在太大.....

黎梗今個星期六, 魚仔佢將會進行佢人生中的第一次面試啦

呢間, 都幾心儀添架......超緊張, 亦都勁擔心......

求神拜佛, 希望魚仔佢能夠潔身自愛, 臨場表現得好小小啦.....

魚仔, 你要加油呀!!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!

哥哥復課鳥

尋日, 真係慘慘豬呀.....

唔知點解, 去親中央圖書館, 都總係會出事架!

對上一次去, 就跌左新買0既 I-PHONE 4

今次去, 就跌爛左部 I-PHONE 5
真係邪到嘔呀......

我以後都唔會再去0個樹架喇.....傷心死我......

唔開心0既事, 唔提喇....

講番哥哥復課先....

哥哥大大話話, 已經停課左10日啦....

呢10日, 話多唔多, 話小唔小

作為家長, 我對於復課遙遙無期, 真係感到好無耐

事關, 哥哥唔番學, 

一黎, 0係屋企百無聊賴, 我覺得好影響學習進度

二黎, 佢留0係屋企, 亦好影響全家0既正常運作

說實的, 我有抱怨過.........

不過, 睇到呢個POST

我心態亦改變了

講得啱, 人生漫漫長路
番小幾日學, 算係0的乜呢.....
而且, 放假呢幾日
學校每日都會 upload 功課俾小朋友
我地日日都不斷的學習, 驚乜鬼影響進度呢!!!!

終於有得番學0既哥哥真係好開心!
其實, 呢十日以黎佢都一直問我, 點解咁耐冇得番學.....
我亦有開電視俾佢睇, 讓佢知道香港正在發生乜野事
佢眼見平時校巴經過0既0個條路, 滿滿是學生
又睇到警察使用催淚彈
心裡面都十萬個為什麼
問我, 究竟係學生唔啱, 定係國王唔啱 
(呢個年紀, 用國王黎形容, 真係好搞笑呢!)
哈, 不過, 呢個問題, 真的來得太深, 該點樣答好呢.....


說實的, 第一日, 當佢睇到催淚彈時
佢真係都好驚, 完全唔敢番學
因為, 出事0既那一段路, 正正就係佢架校巴每日0既必經之路
但日子久了, 可能留家太耐
佢亦開始掛住同學, 老師
於是, 就不斷的催我番學啦!!!

終於恨到喇, 可以番學喇....
不過, 因為中西區仍然被封路
所以, 呢段日子, 我地都幾辛苦
要俾平時早30分鐘出門口
呢期每日, 都要6:15彈起身, 趕8:20 去到灣仔上校車.....
嘩, 真係辛苦到嘔呀......
每日, 都好眼訓, 好眼訓......

希望, 封路0既日子唔會太耐啦!!!
香港人, 大家都要加油呀!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!