朗朗增值考小學@Speak-Up Fun

一向都覺得, 應該俾小朋友一個快樂0既童年

一向, 都好唔讚成上過多0既興趣班

但係, 最近呢種心態, 開始動搖喇.....

打開Baby Kingdom

發覺....小一選校同我地愈來愈近喇....

有0的小學, 都準備話要報名添啦....

雖然, 我地真係志不在考直資, 私立小學

但唔多唔少, 都總會報兩三間, 打下底.....

要報考小學, 大概總要有一技之長吧....

睇番朗朗0既進度.....

第一, 佢並沒有進修任何興趣班的, 可以叫做沒有一技之長

第二, 數理....呢方面嘛, 唔好話加減數啦

朗朗連單雙數係乜都分得清....試問點同人爭呢.....

第三, 語文......呢方面仲衰

 其實朗朗咬字係有問題的, 會把七讀成室, 厠紙讀成獅子

現在上梗言語治療, 唔知考小學前, 能唔能夠改善到呢方面0既問題呢....

見阿朗情況咁嚴峻

我地, 不由情願的, 最近`為朗朗選讀了唔少興趣班

而家學梗 phonics, 國語同埋英文班

最近, 為左改善佢0既說話技巧

仲替佢參加了 speak up fun 0既課程添

好, 去相

點解會參加呢個課程呢?????

其實朗朗一向都好怕醜.....

平時, 見到0的唔熟識0既人, 就會三秒三變成怕醜樹

然後, 呆呆滯滯, 躲在我身旁, 唔曉講野

有0的擔心, 佢考小學時, 仲係咁痴痴呆呆

想佢學識大膽發表自己, 於是, 就報了這個課程

呢個課程, 要小朋友0係眾目睽睽下 presentation

從中訓練佢地大膽表逹自己

說實的, 朗朗正正就係需要呢方面0既改善....

報名0既時候, 我0係度諗

除左改善佢0既說話能力, 又可以加強埋佢0既英語溝通

真係幾唔錯......

而家, 上左兩堂

睇番老師俾佢0既評語

覺得, 佢都一直在進步

由初初靜英英, 第二堂, 已經勇敢表逹左好多喇.....

雖然, 英文方面, 佢仲未好能夠表逹到自己

但能夠做到放膽講, 我已經覺得好好喇.....

希望, 透過呢0的課程

朗朗個人會冇咁怕醜仔啦....

真係好擔心佢遲0的 interview 唔知會點呀!!!!

你知喇, 有時 interview 0的野, 未必係唔識

有時, 可能佢答得細聲, 或者支吾以對

咁就死得喇, 足夠俾老師覺得佢對自己冇信心

而且會拘好多印象分喇.....

唉..... 這些年黎, 從未如此憂心過

總係覺得....升小呢一關, 真係好難過.....

尤其, 呢幾年出生人口急升

競爭真係好大哦....

成日聽到人講, 考十間, 十間都唔收

哥哥將會點呢.... 我真係唔知....

而家唯有做到0既就係, 盡力讓佢增值一下

等佢有番小小競爭能力.....

大家加油呀!!!! 一齊努力!!!!

希望下年大家都派到一個合心意0既小學!!!!!

好, 再俾番小小資料大家
Speak-Up Fun:

http://www.speakupfun.com/