GILL 家行街街

話咁快, 又到新年喇!

呢幾日, 屋企真係好忙好忙

又要大掃除, 又要貼下揮春, 搞裝飾

又要替三個仔辦年貨, 買靚衫

仲有好多好多野未搞哦.....

講起黎, 我真係好驚帶兩隻仔行街買野架

咁多年黎, 我一直都衝破唔到自己0既心理關口

一直都未試過同佢地出去行街

次次要買野, 我都係趁佢地番晒學

鼠一兩個鐘, 匆匆忙忙咁買完即閃

哎.....行街行到咁快閃黨, 其實真係好鬼無癮架.....

所以, 一直都好羡慕0個0的成日可以扮靚靚0既媽咪架.....

終於, 今年捱到細佬大啦....

好想試下..... 好想同佢地行下街, SHOPPING一番

點知, 又奶野.........

早幾日, 一拖二

諗住開開心心遊葵芳

細佬大喇, 覺得去唔係好遠0既地方

大概唔再需要BB車吧
膽粗粗0既我, 左手拖哥哥, 右手拖細佬向商場出發

無帶BB車, 真係一個超級錯誤0既決定

細佬呢條友仔, 一直都怒火狂奔

好似極度興奮咁

失晒控, 跑黎跑去, 完全捉都捉唔住....

你知葵芳多人0架喇

佢跑又跑得快, 一個唔覺意, 真係會好容易走失架嘛....

又明明, 我想行入間鋪頭睇下衫仔架喇

一入到去, 佢已經0係搗亂

又蚊跌晒人地0的衫

又摸下呢樣又摸下0個樣

摸唔梗要呀, 但佢先啱啱食完餅乾, 隻手污污糟糟咁, 叫佢抺手又唔肯

唉....總之, 就係搞到我好論盡囉....

呢個阿哥....都唔係好人黎架喇.....

諗住買糖果, 準備糖果盒啦

點知佢見到0的糖, 兩眼發光

呢樣又話要買, 0個樣又話要買, 成個購物狂咁.....

然後, 一陣又話肚餓, 要即買即食, 發晒脾4

總之就係煩到無朋友廷啦.....

再行唔夠兩步, 又同我講....

媽咪...... 我想番屋企呀....

媽咪..... 我好悶呀, 好悶呀....

媽咪..... 都唔好玩0既.....

媽咪....走得未呀....睇左好耐啦.....

媽咪..... 不如去公園呀.....

嘩..... 一直疲勞轟炸我囉.......煩到無朋友

最後, 我放棄啦.....

算啦.... 都係我陪你地去公園啦.....

以後唔駛你地陪我行街啦.....

我怕左你地啦..... 真係買你地怕......

哎.....唔知..... 我幾時有機會..... 

再可以在商場行走呢.....

有時, 真係好想, 好想番到以前....
可以一整個商場任我行哦.....

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!