特異功能考小學

感恩

朗朗佢, 終於都有學校收啦....

雖然, 並唔係乜野神校

但係, 至少有個 back up

對我地黎講, 已經買到個安心了....好唔錯啦.....

其實, 我地一心諗住大抽奬

並沒有替朗朗報考好多間直資, 私小

而朗朗佢, 亦唔係乜野神童小朋友

佢擁有0既, 大概就只有一份儍氣吧....

仲記得, 當日佢去考小學

我：哥哥，琴日入到班房考左你乜嘢？

朗：講故事😁

我：有圖畫比你睇住講？識唔識講？咁講乜嘢故事？

朗：我識啦，係狼來了🏻

🏻

我：哦。。。咁你識啦。。。講一次比我聽。。我想聽😍

朗：有一日，媽媽出左去買餸，突然，有人拍門，三隻小豬睇下係邊個🐖🐖🐖

我：等陣等陣等陣（滴汗中）。。。

依個故事係三隻小豬......點聽都係三隻小豬唔會係狼來了攞😓

朗：係狼來了係三隻小豬呢

朗：真係狼來了

真係諗都諗唔到

朗朗佢居然考上了.....

說實的, 根據身邊0既朋友

好多我視之為神童0既, 一手證書0既

到而家, 都未必有 offer 0係手 

考小學, 我真心覺得....一0的都唔容易.....

但點解, 一個手無寸鐵0既朗朗, 居然能夠考上呢......

要考上小學, 其實係有個小小0既祕訣

由小小年紀, 就要鋪路啦.....

話說, 朗朗而家讀梗0既幼稚園

其實係間半龍學校

我地0既同學裡面, 幾乎九成都能夠考上我地0既小學

所以, 大家唔駛讚朗朗叻叻....其實....佢真的真的只有一股儍勁架咋.....

不過, 我都好感恩

想當年, 誤打誤撞, 入左而家0既幼稚園

當時, 真係冇諗咁多

又冇諗過, 呢幾年小一競爭咁大

幸好, 當時冇跳槽, 冇轉去另一間幼稚園咋

如今, 我地輕取有一個小一學位

有back up 0係手, 個人真係定好多!!!! 

至少, 到大抽奬時, 可進可退嘛.....

好多人覺得, 幼稚園同小學根本沒有關聯

當初, 並沒有好好的替小朋友選擇幼稚園

我想講, 呢個真係大錯特錯哦....

經過呢年0既小一遊戲

我可以好肯定的同大家講

如果根德圓 vs 崇憎

維多脷亞 vs 酸道

我絕對唔會選有語境好0既維多脷亞, 唔會選出名勁0既根德圓

小學難爭好多架.....

如果你讀龍幼, 至少, 你0既競爭者, 已經減半了.....

考唔到全龍幼稚園, 半龍講真, 都好唔錯啦.....

另外, 原來又有0的幼稚園, 

佢地宗教力量好大, 可以同某0的小學有密切關係架

去到叩門0個part, 呢0的就好幫到手啦

識好幾個朋友, 就係幼稚園個father出手

叩門變得話咁易.....

所以, 考梗幼稚園0既朋友

你地要加油呀, 真係唔好選錯哦......

幼稚園其實都間接影響到小學架.....

至於, 冇得番轉頭

考梗小學0既媽媽們, 請大家緊記

每一位小朋友都係獨特的

每個人都有值得欣賞的地方😌大家努力💪🏻奮鬥💪🏻

共勉之

   HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度.... 

同我地做個朋友仔啦!!!! 

至於想了解最新韓國服飾, 請支持GILL仔ONLINE小店

LIKE 下我地啦!!!!!

https://www.facebook.com/pages/Studiocom/1514284038788236