又係拍拖BLOG....
哈, 呢一年間真係記錄小左朗朗同魚仔耶....
唔梗要啦, 反正, 都冇人想睇0個兩個變態佬架啦.....
睇我地兩老咪仲..... 唔係咩????
啱啱早幾日
我地去左青衣....
一個對我黎講, 好陌生0既地方
講真呀, 我以前細個真係好老土架....
家住柴灣, 去到最遠都只不過係銅鑼灣....
仲記得, 第一次去旺角, 係 F.2 0既事啦....
當年, 仲覺得旺角好龍蛇混雜
好多扒手, 好多非法之徒添....
想法極之低能哦.....
至於青衣呢0的偏遠地方....
大鄉里0既我, 當然係去都未去過啦....
係去到24歲0個年, 識到鴻仔
先多左接觸咋.....
係去到24歲0個年, 識到鴻仔
先多左接觸咋.....
好, 去相
青衣長康村
鴻仔細個, 就係0係康祥樓長大0架喇....
後面呢橦樓, 就係佢舊居啦....
我地0個個年代, 真係好多人0係屋村長大.....
青衣長康村
鴻仔細個, 就係0係康祥樓長大0架喇....
後面呢橦樓, 就係佢舊居啦....
我地0個個年代, 真係好多人0係屋村長大.....
我都唔例外, 我都係屋村妹來的
仲記得0個時, 真係有人會擔住桶豆腐花, 芝麻糊0係楝樓兜售架....
又好記得, 成楝樓裡面, 總有一個單位, 係小士多
呢0的真係舊屋村先有0既獨有風彩黎架....
而家....大概冇晒啦.....
雖然長康村其實冇乜野玩
但陪鴻仔重遊舊地, 又聽下佢講以前0的往事
都覺得好開心, 好好玩....
鴻仔童年0既小小遊樂場哦....
真係簡陋得可憐.....
不得不概嘆, 呢一代0的小朋友真幸福.....
呢個地方, 原先係鴻仔兒時0個間幼稚園黎架....
不過, 可惜...... 被殺校啦.....
後黎, 我地仲去左鴻仔兒時飯堂
超鐘意食西多士.....
舊式茶餐廳, 總有佢地0既味道
淺遊完畢, 又係時候番歸湊仔放學.....
HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!
至於想了解最新韓國服飾, 請支持GILL仔ONLINE小店
LIKE 下我地啦!!!!!
沒有留言:
發佈留言