新生活之阿哥K3細佬上K1

搬左出西環之後

時間真係見駛好多....

以前, 淨係湊哥哥番學, 上船落船, 來回都要成個半鐘

現在, 放學一落校巴, 行五分鐘, 就直逹屋企

真係好方便, 好唔錯....

其實, 自從9月, 哥哥K3, 細佬K1之後

我地生活上, 就起左好大變化啦!

以前哥哥, 其實係讀開上午班的

但升上K3之後, 學校就轉左佢地去 PM Class

正正因為咁, 我地成個生活模式都改變左唔少

以前, 讀AM CLASS

有時哥哥放學, 可以入下廸士尼

下午, 我地做完功課, 就有好大段時間去玩

間中, 鴻爸爸放假, 我地仲會去下坪洲踩單車

而家, 真係冇晒呢支歌仔唱啦.....

讀下午班, 真係好冇生活哦....

放學番黎, 又要趕功課, 又要食飯, 沖涼, 呢樣0個樣

忙到一頭煙似的.... 邊有咁好閒情去玩呢......

係好間中, 鴻仔放假

我地先會食完晚飯, 出去中山公園散下步咋....

除左小左玩樂時間

轉左PM CLASS 之後

我們家就變左夜鬼了

以前晚上, 兩兄弟20:30就上床訓覺

佢地訓左, 我就可以為所慾為, 做自己想做0既事

現在, 放學番到屋企都接近18:00, 

食埋飯, 沖下涼, 睇下圖書, 玩下玩具

能夠 9:30 上床, 已經好唔錯啦....

晏左訓, 自然亦晏左起身.....

鴻仔最鐘意, 就係呢個轉變啦....

而家, 大家都訓到皇朝八晏

有時好訓起黎, 訓到十點都試下

有充足睡眠, 一家都和諧左好多

爸爸亦再冇因為唔夠訓, 要鬧爆0的仔啦....

另一個讓我好開心0既轉變就係

自從佢地兩兄弟番學之後

每日, 我都終於有我自己0既時間, 空間啦....

0係佢地番學0既時間, 我可以做自己0既工作啦

可以偶爾同鴻仔睇下戲, 拍下拖

閒來坐低, 飲杯咖啡, 玩下電話

尋找一個人的樂趣.....

捱左咁多年, 終於捱出頭來...

真係覺得幸福得來不易哦....

有左佢地兩隻野呢五年黎, 生活一片混亂

每日都打仗似的.....

搞到我好似老了幾十歲咁....

教仔生活, 真係唔簡單哦.....

下年啦.... 下年哥哥升埋小一

細佬又再懂事0的

我諗, 到時候生活應該會變得更加輕鬆

雖然, 或者小一生活又會係另一深坑

但係, 我仲係好憧憬哦....

希望, 到時候我能夠
尋回昔日0既自己

過番以前自己既有0既生活啦......

   HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度.... 

同我地做個朋友仔啦!!!! 

至於想了解最新韓國服飾, 請支持GILL仔ONLINE小店

LIKE 下我地啦!!!!!

https://www.facebook.com/pages/Studiocom/1514284038788236