舊物。往事。那些年超低能的我

最近一直在忙搬屋既事

0係日本番黎之後, 就日日都睇樓, 睇樓同睇樓

終於, 今日扑搥啦..... 選定左一個單位....

兩個星期之後, 就要進行搬屋大遷徙啦....

不斷的睇樓, 睇樓再睇樓之後
就係不斷的執野, 清野同掉野.....

0係執野0既時候, 竟然搵到自己年輕時0既日記
真係不。得。了。
哈.....咁多年前0既自己......究竟係點架呢.....
連我自己都好好奇....

翻開日記..... 我真係打從心底, 有小小頂唔順自己.....
超低能囉.....
點解我後生0既時候, 成日都會暗戀人0既.....
點解, 我有咁多連自己都忘記左0既對象0既.....
仲要...... 點解..... 我成日都示愛失敗0既..........
真係好爆趣....好低能......

又睇番以前讀書年代0既自己
而家一齊咁多年0既朋友
原來以前會為左好小事, 口角之爭而唔采幾日

然後, 又睇番好多, 連自己都已經忘記左0既往事
中七0個年, 相約同學史上第一次去蘭桂坊夜蒲
嘩.....而家覺得去蘭桂坊係一件小事
但原來想當年, 卻係一件非常盛大0既事
我居然要花上幾堂時間, 同同學們相量著乜野衫去
又駛唔駛化妝
如果有人聊要點算.....
真係自己睇番本日記, 都忍唔住笑左出黎囉.....
駛唔駛咁緊張俾人聊呀...  

有時, 真的好興幸自己當年係有寫過日記的
可以偶爾睇番十年前0既自己.....
睇番十幾年前０既烈火青春
好懷念那些年的自己
無無聊聊又一日，日日都儍下儍下咁過
真係覺得。。。青春好美好哦。。。。
睇番本日記，先發現，原來已經過左咁多年。。。
原來，我老左好多啦。。。
唉。。。。

  HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度.... 

同我地做個朋友仔啦!!!! 

想了解最新韓國服飾, 請支持GILL仔ONLINE小店

LIKE 下我地啦!!!!!

https://www.facebook.com/pages/Studiocom/1514284038788236