喪玩We嘩嘉年華@黃金海岸商場

未放復活假之前, 已經一早同兩兄弟預告左, 

呢個假期會去We 嘩狂歡架喇....

佢地兩兄弟, 一直都熱切期待住....

每日都問住我, 媽咪, 係咪聽日去跳彈床呀???? 係咪0者????係咪0者???

由放假第一日, 就問到尋日......

我心諗, 有冇咁掛住we 嘩呀????

終於來到今日

一個人, 帶住兩隻仔勇闖黃金海岸

嘩, 真係好多年冇入過去黃金海岸啦....

對上一次入去, 大概係同鴻仔拍拖時吧....

當時, 都仲未結婚.....

今次, 舊地從遊....開心開心.....

好, 去相

對上兩次去we 嘩, 都係indoor

今次....真係超超超熱哦....

兩兄弟最愛就係呢個

玩到勁顛喪囉.....

玩左兩個遊戲, 已經唔多頂得順

要食雪糕解解暑

上次去韓國都見到呢支Elsa雪條

當時仲同鴻仔講, 最衰帶唔到番香港俾佢地兩兄弟啦....

嘩, 原來香港已經有售啦....

食得超開心

然後上上一層, 再跳過, hooray!!!!!

細佬個樣, 總係好八厭

哥哥真係乖好多囉.....

最近發現, 唔係係咪細佬實在太八厭呢....

好似個個都錫哥哥多0的

作為媽媽, 都有小小唔開心

不過, 都好明, 細佬成日大吵大鬧

又的確惹人唔鐘意0既....

你睇, 玩兩野, 輕輕撞一下

又話要狂扭計....

真係好鬼冇佢符架....

頂唔順, 又要解暑.....

今次黎, 哥哥最想就係睇恐龍

之前同佢睇過一本關於恐龍0既書

自此就迷上了

掘恐龍化骨....

掘下掘, 發現恐龍蛋化石哦.....

呢個遊戲查實都幾棧鬼

玩完再送我地小禮物, 開心開心......

細佬大個仔啦

對上一次玩騎馬仔時, 都仲要我推住行

今次終於學曉啦.....

牛高馬大學人玩bb馬..... 頂佢唔順.....

呢個查實都係好攰架....

踩完立即冇晒電咁制.....

 唔玩劇烈野住.... 靜態一番.....

哥哥做手功

細佬呢0的偽文青, 邊會玩埋0的咁0既野架.....

上次哥哥坐過小船後, 一直念念不忘

今次排左三獲, 都仲話想玩多幾十次囉......

細佬啱啱好, 夠90cm, 可以入場啦....yeah

不過, 佢好險呀

差小小跌落水哦....真係嚇鬼屎禾.....

呢個真係排左超耐.....

細佬冇得玩爆喊中.....

細佬已經冇得玩架喇

哥哥出番黎仲要曬命

又話好好玩, 又話下次一定要再玩....

攪到細佬豬更加喊不停

聽日將會再黎過

去埋奧海城we 嘩....yeah..... 

 HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!