朗朗學英文之Speak-Up fun

之前都提過, 為左讓哥哥更有競爭能力去考小學

而家, 我地都開始谷梗佢, 

踏入K2之後, 哥哥上梗三樣興趣班.....

又英文, 又國語, 又phonics 咁.....

有時....真係唔明..... 

點解五歲人仔, 放學又話要趕下場, 攪到好似好忙咁....

真係不得不感嘆, 人在江湖, 身不由己.....

講番Speak-Up fun先

不知不覺間, 哥哥0係呢度已經上左個半月堂有多喇....
其實初初俾哥哥0係呢度上堂時, 我都有小小擔心
因為我們家一直都以廣東話為主, 0係屋企真係零英語的
朗朗0既英文程度, 說實的, 真係水到痺哦.....
Speak-Up fun呢度上堂仲要的佢全程講英語, 要佢用英文presentation
哈, 講真..... 我真係好難想像佢上堂時, 硬住頭皮講英文會係點0既樣囉......

其實, 初初頭兩堂, 哥哥都好唔願去呢度上堂架.....
可能佢真係有小小搞唔掂掛, 哈哈
(講真, 對於母語唔係英文0既佢黎講, 我覺得佢真係會上到有點吃力架設)
但去到第三堂, 哥哥又突然ok喎, 
成日話呢度好好玩, 0的老師好搞笑, 又好鐘意玩遊戲
或者, 玩就係最好0既學習方法吧....
自此, 哥哥突然進步左好多, 連老師都話佢講多左好多野

0係啱啱呢個星期, 老師講完故事俾小朋友聽之後
要佢地逐個逐出黎, 講番整個故事俾大家聽
老師讚哥哥, 話佢進步左好多
今次講故事足足講左三分鐘, 全程仲要唔多駛老師提示添....
嘩, 聽到都覺得好感動哦.....

然後發現, 原來我一直以為佢搞唔掂0既野,佢慢慢已經攪得掂啦....
原來, 小朋友適應力真係好強, 
雖然初初上堂佢係好吃力, 
但慢慢的, 原來佢地會追得上, 學得到....
哥哥, 你要加油呀, 學海無崖
媽媽知道亦相信, 總有一日, 你會愈做愈好, 你講野亦會愈講愈叻0者!!!!

 HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!