生活小趣事

好耐都冇記錄過生活趣事

今日突然心血來潮

好想講下, 想記錄一下

趣事一

自從兩小口0係新年期間睇左叮噹電影

就迷上了叮噹

呢期日日0係屋企玩角色扮演

哥哥就總係好奇怪, 好鐘意扮女人, 好鐘意扮靜香

唉....男人老狗, 我梗係唔想佢扮靜香啦....攪錯晒自己0既性別咁....

於是, 就同佢講, 靜香係女仔黎架喎.....

不如你扮胖虎啦, 你咁鐘意蝦人, 又同佢一樣, 咁鐘意唱歌

但佢就老虎蟹都唔制.....

叫佢扮大雄, 佢又話大雄成日喊, 唔鐘意扮大雄

攪完一輪, 點都係要扮番個女人....真係 O 晒咀

細佬呢, 細佬就鐘意扮A夢

呢期真係好攪笑, 佢地再唔以兄弟相稱

哥哥搵細佬時, 會問我, 媽咪, A夢去左邊呀?

相反, 細佬搵哥哥時, 就會話, 靜香呢....我想同靜香玩呀....

完全墮入左個角色, 抽離唔到咁....

簡直係笑死左囉..... 

趣事二

話說, 今日0係條街樹, 有人派了兩個氫氣球俾我地

咁細佬豬又訓著左, 我一隻手推住BB車

然後, 就再冇手拎住0的氣球啦

叫哥哥將氣球轉贈其他小朋友, 佢又唔肯
叫佢拎住0的波, 佢又唔制,
佢一直都同我講, 我只可以拎一個波架咋.....
見佢咁唔合作, 我好勞氣.....
直頭想掉左兩個波去.....
最後, 我好激氣咁同佢講: 
我 handle 唔到喎, 一係你掉左佢, 一係你拎住佢....
佢一副好驚咁0既樣.....然後同我講: 我真係只可以拎一個波架咋....
我問佢點解???點解???點解????
佢竟然同我講.....
媽咪, 如果我拎晒兩個波, 我就會飛左上天空架喇......
佢真係睇卡通, 睇書睇上腦
竟然以為自己會俾個波蚊左上天空
真係唔知係佢天真, 定係死蠢.....
點解咁大個仔, 仲成個BB咁, 諗法咁儍氣....
有時真係服左佢......

 HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!