細佬豬三歲生曰@we 嘩奧海城復活小巨蛋

細佬同我0既生日好近

我就三月尾, 佢就四月頭

我切完蛋糕, 就輪到佢切蛋糕

每一年, 都好似同我同步成長一樣

感覺, 真係好微妙!!!!

今年細佬豬0既生日

原先係打算好老土咁, 去廸士尼行番個圈

不過, 後黎好開心, 我地有幸被we 嘩邀請

去左奧海城喪玩左一番哦...

好, 去相

今次奧海城個主題係復活小巨蛋

兩隻仔遠望, 見到熊貓滑梯加大大隻復活蛋, 

已經忍唔住大聲尖叫尖叫再尖叫啦.....

好鐘意呢隻人氣復活雞

全隻都係由氣球砌成架.....咁都砌到, 真係堅勁.....

之前其實已經玩過熊貓滑梯架喇

復活巨蛋, 仲係第一次見

兩隻野, 梗係要新屎坑下先啦....

除左可以亂跳之外, 仲有勁多波波0係裡頭俾小朋友掉下掉下

都幾盞鬼架......

轉場

現場所見, 查實我兩隻仔都真係幾八厭下架

人地頂多0係裡面跳下跳下, 佢地呢.....

唔講.....大家睇相.....

專登要推冧幅牆

玩笨豬跌....

你話..... 係咪好無言......

唉......人地工作人員多次叫佢地唔好搞事, 仍然唔聽

帶佢地出黎玩, 真係好鬼醜怪

醜得滯, 要閃人

細佬自從黃金海岸之後, 愛上騎馬

其實呢個game好鬼攰, 好鬼消耗體力架....

哥哥成日都話, 唔想玩, 唔好玩喇...

但細佬就硬夾哥哥埋去....

兩兄弟, 最鐘意最鐘意莫過於熊貓仔

初時, 見條滑梯好直好直

真係好擔心細佬會危險

因為, 連哥哥出到黎都話好驚.....

結果, 原來仲係我多心

細佬不知幾享受....

次次都笑住sir落黎, 開心跑上樓梯

最後, 滑左不知幾十次先肯收手

玩左大半日, 細佬生日巧開心

細佬b, 你又大一歲喇

希望黎梗呢年, 你會漸漸懂性喇....

湊你, 其實有時真係覺得好吃力架

你總係乜野都唔聽, 叫你做乜都唔理....

有時, 我都好灰心....對住你感到好乏力.....

不過, 次次俾你激到我好失落之際, 你就總係儍更更, 

笑笑口埋黎同我講, "我好乖....."

唉...真係教我如何不愛你呢.....

媽媽呢一年, 會用心一點去照顧你

希望, 你能夠用心一點去學習

愛你哦....永遠愛你哦....

 HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!