九州好好玩之旅 - DAY1

hello, 我係鴻仔!

我地去玩啦......yeah...yeah....yeah.......
九州這個地方從未踏觸過,
所以對她好有期望!
而今次去旅行的partner 都轉左人,
由平時同我並肩作戰的朗朗轉為二叔同二嬸!

日圓升左幾年，這一兩個月終於識跌啦！
由100日圓兌10港圓跌到
100日圓兌8.6港圓！
變相全部部品都接近八五折，正！

DAY1

今次係我地去日本以來首次搭的士,
聴說在日本搭的士係好貴,
所以我地從來都唔夠膽喺日本搭的士,
點解今次會搭的士?
原來機場距離市區(博多)只需要8至10分鐘車程,
全程車資都係1600日圓.......我地仲要四個人..........超抵!

大鄉里搭的士當然要影張相

急不及待, 喺酒店一放低行李就立即去shopping,
第一站就去左天神,
天神可以話係福岡美食同shopping的集中地!

呢個就係天神地下街,
其中一個shopping的地方!
真係好啊! 日本一月份仲要係大激安, 真係平上加平!!!!!

我地四個shopping狂迷話過只要D舖頭一日唔收工,
我地都唔會去食嘢,
畢竟我地都唔係鐵人,
唯有買個dount充飢!

基於"隔離飯係香D"這個原則,
連一向唔食dount的gill仔都大讚dount好好味!

血拼完的gill仔

shopping 完啦.........筋疲力盡.......
終於可以醫下肚,
我地去左一蘭拉麵開餐

一入門口, GILL仔就一馬當先揾左個靚位坐,
GILL仔正想大叫"服務員"過來........
我 "gill仔.....個邊有部機......先買票啊!!!! 真係唔好大叫"服務員""

再要填選麵的軟硬度,
基本上係亂咁填, 都唔知張紙寫乜!!!!!!

填晒所有資料後,
我地就好似入左自修室一樣,
因為每張枱都會有一塊木板隔住!
我地唔係要專心讀書而係要專心食麵!

半熟温泉蛋真係很好食啊!!!

如果鐘意濃味湯底一定會愛上一蘭!

day1完