WOW..... 又輪番到GILL仔
黎到第四日
其實..... 已經諗唔到有乜地方想去....
因為, 介紹九州0既書籍一來唔多, 二黎, 一般都唔太詳細
我地硏究左好耐..... 最後決定要去湯布院....
繼別府之後, 另一個著名浸溫泉0既地方
其實....DAY 3 已經浸左一次溫泉, DAY 4 實在唔多想再浸,
但係, 真係揀無可揀
(豪斯登堡想留番同朗朗, 魚仔先去)
最後仲係去左湯布院
有時, 個世界就係咁0架喇
當你對呢個地方沒有期望時.......
往往, 呢個地方, 就會係最有驚喜0既一個地方
好, 去相
嘩, 去到先知, 原來呢樹係咁郊區, 咁凍0架
又一個靚靚火車站
湯布院有一條好長好長0既商店街
浄係周圍行下, 已經覺得好開心
因為.....周圍都好靚好靚
面包超人小商店
可愛0既細菌小子哦....
熱愛精品0既人, 真係一定要去湯布院哦
呢度...每一個角落都係精品, 精品, 精品.....
再行一陣, 就碰上了龍貓耶!!!
日本0的鋪頭總係門面都靚過人,
攪到我地呢班自由行影極相都唔肯走人
趕極都唔走0既自由行, 影左差不多半個鐘
湯布院除左多野行, 仲有巧多巧巧味小食
豊後牛薯餅......正
呢間係餅店0的卷蛋0係響噹噹的, 更係必到景點
我地梗係唔執輸, 買番個黎試下喇
說實話, 卷蛋.......我真的不大喜愛的, 亦不懂欣賞
只能夠話, 佢0的CREAM真的很重奶味, 很滑, 確實有別於其他卷蛋
再食..... 呢個和牛串燒, 真係十個星星, 評級為必食
如果去開湯布院, 一定要認住呢個嘜頭!!!
HELLO 吉米專門店耶........
忍唔住, 買左呢個福袋, 抵到嚇親我.....
跟住, 我地入左古董車博物館.....
呢個博物館其實都幾冷清, 我地4個包場咁滯
大家可以去, 亦都可以不去
哈, 呢個真係好有80年代FEEL 囉
館主連古董飛機都有收藏..... 勁!!!
舊式電視機
古董玩具車
從商店街一直往前走, 最後一個景炶, 就係金鱗湖
湖邊勁凍
好寧靜, 好舒適......
哈, 初初抵埗, 本來諗住湯布院會冇乜野玩
仲諗住, 應該要浸多日溫泉
點知, 呢度休休悠悠咁, 就玩左一整日
果真好驚喜呀
- 完 -
沒有留言:
發佈留言