hi, 我係鴻仔!!!
近期, 成日都會出席朋友的婚宴,
朋友們喺台上致詞,
總會說出令人一番感動的說話,
亦都係每次出席朋友婚宴,
我最期待的一幕,
感覺就似睇頒獎禮咁,
睇人攞獎, 最想睇就係得獎後台詞!!!!
突然, 令我想起七年前自己的婚宴,
而我當年喺自己婚宴致謝時,
我只係講左兩個字"多謝!!!"
當時仲後生的我, 無經過人生的體會同大家的磨合,
想當時, 我只能講出"多謝"兩字!!!
我相信就算當時比我作一篇感人的台詞,
但無經歷過九年的相處,
又豈會動人!!!
朋友的婚宴上, 我會喺度諗,
如果喺依一刻我同GILL仔結婚,
我喺台上會講乜嘢呢!!!
我而家想像下自己喺台上致詞先
"九年前, 我問佢"你點解會同我一齊架, 我又唔係靚仔又窮到嘔, 揀都揀個好D啦, 你識唔識揀!!!"
你地唔好以為佢會答"無得解, 因為我鐘意你攞!!!"
佢當時係答"其實我無得揀, 你話鐘意我, 又無拖拍, 我就鐘意你啦!!! 我唔鐘意年紀細過我架, 男仔總係唔成熟, 何況仲要細過我"
我"哦................................................."
幾個月後,
有一日, 生活唔如意, 我好沮喪!!!
記得好深刻一句說話
佢同我講"而家窮唔緊要架, 你只要發奮向上, 我信你有一日會比到好的生活我架!!!一個人肯發奮, 一定有機會, 相信你"
依句說話, 我永遠會好好記住!!!
幾年後,
佢同我講"你真係好似一個港童咁, 乜都要人照顧, 真係嬲!!!"
我" 係啊, 小朋友都有佢的優點, 小朋友天生最識氹人開心, 我就係嗰個小朋友攞!!!"
近年,
佢又同我講"其實呢, 我覺得我地好夾!!!"
我話"哈哈........係咩..........."
近一年,
佢話" 點解成日黑我面"
我"睇膠劇教架, 因為你係我最親的人{心心眼}, 唔對最親的人黑面, 我可以對邊個黑面!!!"
佢話"食屎啦你!!!"
我話"人地真係咁講架"
咁多年來,
我地無動人的情節,
不過間唔中都會驚濤駭浪,
不過間唔中都會驚濤駭浪,
平時的我兩就是有這樣的平凡對白,
不知不覺累積到第十個年頭啦,
我會繼續努力!!!
多謝妳!!!
真心多謝!!!
沒有留言:
發佈留言