挪亞方舟x Mr. Men Little Miss童樂聖誕城

 一年一度聖誕節又就到了, 

聖誔節嘛, 梗要係同班小朋友出去上天下海, 乜都玩一餐架啦!!!!

今個聖誕, 2015年12月5日開始, 

挪亞方舟 x Mr. Men Little Miss童樂聖誕城

 一定係今年聖誕好去處, 

Mr. Men Little Miss從英國喜孜孜遠道而來, 

首次登上挪亞方舟,

發放開心正能量，傳授快樂秘笈!!!

依個活動唔止有得玩, 仲有得學嘢, 

完美融合學習、體驗及玩樂於一身的童樂聖誕城!!!

小朋友亦可穿上全港首次及獨家的Mr. Bump或Little Miss Sunshine服裝，化身可愛卡通主角!!!

仲有泡泡魔幻派對!!!

各項小小聖誕老人挑戰，小朋友將可施展渾身解數，

並學習以輕鬆愉快心情領略知識，訓練體格!!!



好, 唔講咁多
去相

多謝挪亞方舟0既邀請.  之前, 我地一家去左試玩活動
今次爸爸專登陪我地出席活動.....超開心哦..... 

一入到第一個環節, 已經想尖叫啦.....

可以著住Mr. Men Little Miss戰衣....可愛到爆晒燈哦.....

估唔到除左Mr. Men Little Miss

仲可以見到聖誕老人.....

同聖誕老人近距離接觸, 係我兒時夢想黎架.....
影相先....YEAH......



遊戲正式開始, 先介紹一下吧......

以下呢個係 - 日夜反斗大冒險

呢個任務, 係要協助聖誕老人0係聖誕樹林裡搜索禮物

小朋友分成兩組, 發揮團隊精神

快快手, 將禮物放上雪車上面

勁多禮物哦......

將禮物放好上雪車

各位小朋友就馬上要出動

幫忙派禮物啦.....

細佬豬..... 要靜靜雞呀.....

夜晚0的小朋友訓晒架, 你派禮物太大聲

會嘈醒佢地架......

好采, 小朋友們都好幫到手

成功派晒所有禮物....叻叻

鏡頭一轉

我地又飛左去另一個地方玩啦......

朗朗魚仔超LIKE呢個《Mr. Men Little Miss馳騁冬日城》

呢度究竟玩乜呢???

今次聖誕老人派出一眾小助手，駕駛聖誕車摸擬運送小禮物，同時體驗行人實境，

於冬日小城的自駕遊裡，領會交通安全知識及過馬路的正確態度。

小朋友們各就各位, 準備出車派禮物

坐住呢0的車, 我就覺得哥哥真係大啦....

牛高馬大仲玩玩具車....哈哈.....

細佬由細到大都係車迷黎架..... 直情玩到唔願走呢......

肉緊得佢呢....

完成任務, 將聖誕禮物派好.....

《爆笑合拍區》

有個好靚仔0既場景俾各位粉絲拍拍照....

我都湊湊熱鬧, 潮拜下先

哈, 估唔到影埋男神Marcus入鏡添.....開心死我啦..... 

細佬豬總係好難影架.....跑黎跑去唔合作.....

個全景真係好得意.....

一浪接一浪
奇幻泡泡藝術,  魔術同舞蹈表演
不得不讚, 呢個環節0既哥哥姐姐都好 funny, 氹得小朋友好開心哦....

真係咪以為呢個環節流.....
小朋友超興奮....尤其俾 bubble 圍呢下.... 個個都笑儍鳥

俾bubble圍都冇有怕, 仲要想吹爆bubble

再黎另一個環節---《笑瞇瞇廚藝學堂》

跟酒店大廚學整Mr. Men Little Miss主題Cupcake

個個環節都總有套靚衫

呢個小廚神 look.....可唔可愛先?

小朋友專心聽講中.....

哈.....真係估唔到細佬豬會咁有心機整樹葉哦.....

其實都幾易整, 連我們家....出名的地獄廚神都輕易搞掂.....

YEAH, 靚靚.....

本來諗住拎番屋企慢慢嘆, 點知有人話要即整即食......

<動感聖誕劍術樂>

查實我咁大個女都未玩過劍擊架....

今次真係大開眼界

hehee.....睇哥哥玩到論論盡盡咁

真係覺得佢似足我, 運動白痴....

兩兄弟同我一樣, 仲係第一次接觸呢樣野

佢地都好有興趣....而且好用力的學學學.....

呢個項目由專業劍擊教練親自親授，當中包括前香港排名第一

 (2003至2007年度男子佩劍) 兼前香港亞運代表隊成員阮浩然教練，

可以train 到小朋友以優質姿態同埋身手完成訓練。 

想入去玩0既朋友要注意哦

(12月5日 / 1月1日呢兩日呢個劍術班暫停)

最後, 都俾番0的資訊大家

12月5號打後有時間就可以入去玩架啦.....

挪亞方舟x Mr. Men Little Miss童樂聖誕城

活動日期 ：2015年12月5日至2016年1月3日(逢星期六、日及公眾假期)

（部份活動於指定日子舉行）

時間        ：10am-6pm

地點　　：香港新界馬灣珀欣路33號

查詢電話：3411 8888

詳情請參閱 http://www.noahsark.com.hk

入場費　：凡進入挪亞方舟人士需繳付入場費，

成人HK$168；小童及長者HK$138(笑瞇瞇廚藝學堂活動另須收費)