朗朗魚仔淺遊挪亞方舟之《暑假特工大聯萌》

自從日本番黎之後，就一直在忙
忙湊仔，忙搬屋，忙工作
真係好耐冇好好陪過朗朗同魚仔喇。。。

之前，一路都以為搬屋係一件好簡單０既事
但原來，睇樓，買傢俬，又搵搬屋公司
真係有好多，好多想像唔到０既瑣碎事要跟進
真係好多野搞，好多野煩，好讓人頭昏額裂哦。。。
希望搬屋０既事，能夠快快搞掂啦
到時，就可以多番小小時間陪下兩位少爺仔啦！

上星期，實在覺得愧對阿仔佢地
於是，決定要抽出一整日
替佢地搵搵節目
搵左好多資料，最後，決定帶阿仔佢地去挪亞方舟之0既《暑假特工大聯萌》

好，去相

yeah,　今次同行0既仲有表姐仔
一行五人，開心開心！

一入門口就遇上小班馬

雖然小斑馬打鼓好有節奏感

但係，都不及小丑哥哥咁吸引

佢真係超勁架!　乜都變得到出黎架。。。。

連我呢個大人都睇到目定口呆。。。。好好好神奇哦。。。。

第一站係消防館
哥哥實呈好緊張。。。哈哈。。。。

真係要讚讚呢兩個消防員導師

佢地好專業，而且好爆趣

個個小朋友都勁 like佢地囉。。。

連細佬豬呢個一向坐唔到０既小朋友都被馴服，哥哥，你係得０既!!!

唔聽書都唔知，原來發生火警時
係需要帶備逃生三寶架（電話，鎖匙，濕毛巾）

為左讓小朋友對逃生三寶留下深刻印象
哥哥自創左隻逃生三寶舞步
小朋友們都跳得巧巧巧開心哦。。。
（實呈當其時真係好有氣氛，個個都玩到顛晒。。。）

 都唔知係班小朋友上堂定係我去進修
今次先知，原來滅火筒係分好鬼好鬼多種。。。

聽書完畢。。

出去實習啦喂。。。

兩兄弟仲係第一次見識滅火筒
超級新奇。。。

好可愛０既造型哦。。。。

講講下書，導師突然叫我地班家長入房喱埋

初時都唔知乜野事。。。腦裡面, 十萬個為什麼

後黎，勇敢０既消防員入黎勇救爸爸＋媽媽。。。。

消防員朗朗帶爸爸闖出重圍

走過煙霧體驗區。。。

話時話，呢個煙霧區真係好迫真

裡面煙霧迷漫，我地都伏０係地下行先睇到野

真係一個好好０既體驗哦。。。

準備好未。。。。發射。。。。

救火成功，ＹＥＡＨ

多謝朗朗你呀。。。

你好英勇。。。仲你好英添哦。。。

由於個個小朋友都一樣咁叻豬

所以導師決定要為佢地頒發證書

佢地畢業啦。。。

玩完小休一陣

順便參觀下挪亞方舟裡面０的展覽館

挪亞方舟０個度, 個景好靚呀。。。

成條青馬大橋盡在眼簾

轉眼間，朗朗魚仔又去左另一個場館啦

呢兩隻野，真係點睇都唔係做護士０既材料

尤其係細佬豬哦。。。

又餵奶落ＢＢ鼻哥窿
又狂將ＢＢ倒豎沖
仲...仲.....仲多次將ＢＢ掉左落地添.....
真係正牌ＢＢ殺手哦。。。

0的男仔就係咁架喇

粗手粗腳，雞手又鴨腳.......

今次哥哥學識左抱Ｂ，餵奶同換尿片
ＹＥＡＨ。。。

卜一聲，我地又去左另一個地方啦。。。

細佬真係好搞笑

著起醫生袍，完全唔似醫生。。。。

望落去。。。竟然有點似新疆人。。。。

魚仔醫生與病人表姐

細佬豬個疹斷結果出左黎啦....
表姐原來腸胃炎

又疴又嘔，表姐流失大量水份
送佢一支電解質補充品

小醫生睇完疹，係時候要造造小手術

呢日之後，哥哥對人體結構好有興趣。。。
仲話要去圖書館借圖書了解下添。。

其實細佬豬最期待０既就係扮警察
今次終於一嘗心願啦。。。

紀律部隊嘛，點可以唔步操一下呢。。。。

第一次見咁多小朋友一齊步操咋.....

佢地成班都好可愛哦.....

突然, 電話響起, 有人打999話發生家居意外哦....
小警察趕到現場
發現屋裡面有人暈低, 現場仲充滿煤氣味添....
大件事啦.....

好采, 有呢班小警察0係度
佢地關掉煤氣, 將窗打開,  
然後仲將呢位女仕帶到醫院搶救添....叻叻

最後, 警察哥哥仲帶成班小警察去燒槍

班嘩鬼開心到飛起哦.....

呢日真係玩得超開心!!!!

其實佢0係度仲有個智理鑑證全實錄架
不過玩左四個遊戲之後, 我真係太攰啦
最後,決定收隊走人....


好, 俾番0的資料大家先

活動日期: 2015年7月23日至8月30日
時間: 上午10:00 至 下午6:00
地點: 香港新界馬灣珀欣路33號
查詢電話: 34118888
網站:http://www.noahsark.com.hk/
Facebook:  https://www.facebook.com/pages/Noahs-Ark/427573127258337
入場費: 凡進入挪亞方舟人土需付入場費, 成人$168, 小童及長者$138
進場後無需額外費用, 即可參加以上各活動項目(11歲或以下之兒童)


是次活動由親子教育專家張笑容女士擔任星級專業顧問，
聯同來自多個行業的專業顧問團隊跟挪亞方舟合辦，
並特別為是次活動設計了測試兒童品格強項的測試問卷，
讓家長了解子女的優點和能力所在，
鼓勵孩子善用品格特性，發揮「真正」所長。

  HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度.... 

同我地做個朋友仔啦!!!!