早陣子, 大病左一場
一直都覺得好累
成日都感到好攰, 好攰, 好唔願郁
就連鴻仔講埋0的冷笑話, 都唔願笑....
0個輪直情痴痴呆呆一様.....尤如儍左一樣.....
自從大病過後
我忽發奇想, 心諗.... 不如, 不如放棄個BLOG啦.....
懶開個人就好想懶.....
冇寫一輪, 真係好唔願寫.....
直到Van van 佢地離開, 心情有點鬱結....
好想寫, 好想寫
好想寫下心中不快.....
於是, 決定又再執筆啦......
講下最近先
最近開始忙起黎
決定要從新出發, 要出番黎做野
幫輕下老公, 又讓自己個世界多番小小色彩
以前, 由朝到晚, 只係識得湊仔....
生活上, 好似變得好單一, 好乏味
有一陣子, 連鴻仔都覺得我個人悶蛋左好多....
除左開始做野之外
我地仲計劃要搬屋....
哥哥下年K3了, 要抽小學啦....
而且, 我地又住得遠, 番學放學, 總係出出入入的
大小朋友都好唔方便, 好疲累
加上, 下年兩個仔又將會0係唔同0既地方番學
如果唔搬番出市區, 接湊上, 我真的 handle 不了
於是, 最近又煩梗搵樓.....
好忙哦, 好忙哦....
呢陣子, 真係好多野要處理....
不過愈忙卻愈起勁.....
希望.... 希望.... 做野0個度會順利啦.....
呢度講, 呢度散
其實, 我最近開左網上店哦....
賣下衫仔, 每個月仲會定期去一次韓國搞代購
有興趣, 又想幫幫手助養朗朗同魚魚0既朋友
可以add 一 add 我個賣衫專頁
買衫之餘, 又可以助養兒童
真係幾唔錯架.....
呢兩位可愛0既小朋友食粥就食魚翅, 真係靠大家啦....
加油呀GIL GIL
回覆刪除你要幫了？其實偉倫都唔錯，真係唔考慮？
回覆刪除