今個九州之旅, 最期待0既, 莫過於宮崎....
為左黎呢個地方,我地來回, 一共坐左7個鐘頭火車.....
真係堅辛苦架....
幸好就係, 兩隻仔都肯0係火車訓
大家訓下, 傾下計, 又睇下風景
時間, 都算易過的.....
好, 去相
真係好鐘意宮崎0既天氣
既溫暖, 又涼快
我地第一日去到, 已經係晚上啦....
第二朝一醒, 立即出發! YEAH!
第一站鬼斧的洗衣板
呢程車都坐左45分鐘
鄉下地方
不過就有幾間士多
原來宮崎0既芒果係好出名架
去到一定要飲下佢地芒果汽水, 都幾過癮下架....
邊行邊掃街
朗朗大愛呢支芒果雪糕........
咪睇少佢, 佢係代表幸福0既郵筒黎架
個個去到, 例必搵佢玩自拍的....
我當然要幸福一下啦......
好啦....睇到依度, 我鴻仔啱啱放工返唻,
GILL仔叫我埋位寫埋落去,
好啦......我份人又比較多水吹,
咁我就寫埋下半PART...........
講番少少遊宮崎的感覺,
我諗大家都記得, 我係出發前一日先知行程,
我唔知道宮崎喺邊, 但我只知道要由博多去宮崎需要七個鐘頭,
我表示好驚訝!!!
於是, 我地專登加插熊本這站,
大家都不會太辛苦,
熊本玩一陣再坐JR,
好彩, 宮崎真的無令人失望!!!
因為湯布院, 熊本, 博多之前都去過, 無新鮮感,
宮崎係令次九州旅程最喜歡的地方!!!
如果你愛大自然, 愛古蹟, 愛觀光, 愛影相, 愛悠遊,
好想避開高樓大廈的壓迫感,
宮崎這個地方你一定不能錯過!!!
宮崎比我感覺有乜好食啊
我會講係宮崎牛,
和牛啊, 未食落肚, 聽個名都覺好味的食物,
芒果都係宮崎名物,
芒果汁真係超推薦,
宮崎雞都是名物,
炭火地雞料理真的不能錯過!
我地再由宮崎坐巴士來到青島神社,
大家記住喺jr宮崎站買全日巴士pass(必買),
雖然這樣的地質, 地理我真不懂, 但我真心感覺震撼!!!
人少, 遊客少, 我鐘意靜靜地的感覺,
我真係好怕多人的地方!!!
我們的殺手婆婆又出場啦{有睇DAY1你懂的}
小朋友去旅行唔一定要去動物園,
其實去睇古蹟, 欣賞大自然都幾好!!!
好多獨特0既石頭
呢個心心.....超正.....
同阿仔佢地每人執左兩小塊石頭番黎做留念......
心裡面覺得, 日本0既石頭, 都是香的.....
鴻仔爸爸罕有的有父愛哦.....
(見到呢幕, 超想尖叫......)
遠望, 真係好靚......
點解香港冇0的咁靚0既景架.....
如果求到唔吉利的簽,
就要掛喺度消災!!!
這樣的神社真的很美
識食之人婆婆話推介這兩種水果
下集會介紹宮崎牛, 日南,
美食同靚景都不能錯過,
一定要FOLLOW埋下集!!!
記住買巴士one day pass ,
記住喺香港買定jr pass!!!
HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!
至於想了解最新韓國服飾, 請支持GILL仔ONLINE小店
LIKE 下我地啦!!!!!
好多正嘢買!!!!
IG: STUDIO.COM.KR
期待下集!!
回覆刪除