九州親子之旅day3上

Hello.....我係gill仔....

day 3 輪到我寫啦.....

其實九州呢個地方, 我地兩公婆之前已經去過一次架喇....

今次plan行程, 都來得幾辛苦.....

一黎又要就番小朋友, 二黎又唔想重覆去番上次去過0既地方.....

你知啦, 鴻仔份人好怕悶

重覆去同一個地方, 佢實咦咦哦哦煩住我....

為左俾小小新鮮感佢

今次我建議去太宰府

因為二月尾三月初係九州梅花盛開0既時候

從未0係日本賞花0既我, 真的好想睇睇哦.....

好, 去相

從博多出發, 去太宰府唔算好遠

大概坐左半個鐘多些小就到逹啦....

周圍都係梅花哦....

超期待耶....

呢日早上落左場雨

都幾凍下架....

不過, 下午卻放晴, 我地真係好好運氣哦....

一直往太宰府天滿宮走, 有一條小小商店街

先黎個梅枝餅

係呢度0既名物黎架

熱騰騰, 煙煙韌韌

甜甜地, 都OK好味架

商店街遇到面包超人

之前睇IG

發現原來太宰府呢個Starbucks係聖地黎架

自拍潮聖呢0的野, 點少得我地架....

好靚0既一間Starbucks

好鐘意佢呢個杯呀......

梅花特飲

呢度獨有架.....

吃完早餐, 嘆完咖啡

正式出發....

一出門口, 滿滿是人.....

呢日, 似乎係幼稚園黎太宰府參觀呀....

巧可愛0既小朋友哦....

周圍走走.....

我地真係堅好采呀....

早一個星期, 我上背包客棧問過

佢地都話太宰府梅花未開

頂多只有幾棵樹在開花....

結果....結果.....

呢幾日天氣可能頗熱.....

我地去到, 都有4成0既樹在開花呢.....

0的花超靚哦....

大滿足哦....

難怪咁多人鐘意去日本賞花.......

heheee.... 同媽媽影番張, 留留念先......

偽文青

真係要讚下鴻仔

影得個景鬼火咁靚.....

講真, 真係好驚喜

冇諗過, 可以睇到咁靚0既花架.....

一場黎到太宰府

除左賞花, 梗係要入屋拜拜神啦

聞說太宰府係求學業架.....

希望阿朗派到好學校啦....

又原來, 太宰府仲有一個兒童遊樂園

梗係要俾佢地兩隻野放放電啦.....

遊樂園需要入場費的....印像中, 大概係幾十蚊倒

入到去, 每個遊戲就另加收費

為起日元$200玩一次

可憐細佬豬哦

年紀輕輕, 冇得坐過山車

唯有哀怨的, 望住哥哥玩了

0係遊樂園逗留左一陣

又要趕住下一場啦....

下一站....熊本.....

day 3實在太長篇啦....

熊本之旅再等多一兩日啦..........

會快快手寫埋俾大家架....

   HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度.... 

同我地做個朋友仔啦!!!! 

至於想了解最新韓國服飾, 請支持GILL仔ONLINE小店

LIKE 下我地啦!!!!!

好多正嘢買!!!!

https://www.facebook.com/pages/Studiocom/1514284038788236

九州親子之旅day1&day2

HI, 我係鴻仔!!!

忙忙忙忙忙...............

新年前工作一路上都好忙碌, 

好彩, 

我家中有一位完美的秘書gill仔, 

無論機票酒店已經一早安排好了!!!

出發前一日我都係未過問幾點飛機, 

只問第一日我地住福岡嗎?

先開始google map睇下酒店喺邊, 

其實, 旅行就係要relax, 何必咁有planning, 

生活上, 工作上, 湊仔上已經夠繁忙, 

放遊上希望能放鬆下, 比較隨意d!!!

唔好以為我地做賣衫, 一定好鐘意shopping, 

但我同GILL仔比較鐘意休休閒閒, 

睇下風景, 古蹟, 影下相!!!

頗欣賞GILL仔今次做法, 

出發前, 

朗朗同魚仔每人獲派5000日圓, 

大約hk$280, 

同佢地講好你地每人只得5000日圓, 

鐘意買乜嘢, 自己決定!!!

我讚成這個做法,

我地人人都沒有無限金錢, 

無可能無上限地狂買, 

自己要懂得分配金錢如何運用!!!

就算無太多planning話去邊度玩, 

唔識路都唔駛驚, 

最緊要有google map!!!

 事前, 我就喺觀塘廣場買左一張日本無限上網咭, 

$110 仲要送自拍神棍, 

我就覺得平啦!!!

第一晚酒店我地住中州, 

好近天神, 

天神同博多可以話係福岡最繁榮的地方!!!

強烈建議由機場出市區

例如去天神同博多, 

坐的士啦, 

一千五百日圓左右, 

HK$100左右, 

唔好坐地鐵轉唻轉去啦!!!

一蘭發源地同總店都在九州, 
又點可以唔朝聖, 
天神同中州都有一蘭!!!

係好味過香港一蘭, 或者有一種隔離飯香D的情懷!!!!

半熟蛋必食!!!

第二日我地去由布院, 幾年前去過一次由布院, 

覺得嗰度舒服, 

好想去多一次!!!

強烈建議喺香港買定JR PASS , 

全九州咁樣玩, 一定要買, 

JR PASS分兩種, 

一種係北九州, 

另一種係全九州, 

jr pass 我地係尖沙咀買!!!

jr博多去jr湯布院大約要兩個幾鐘, 

強烈建議大家去到JR站攞指定席, 

自由席可能會無位!!!

大家上JR web site check定時間先!

到由布院, 一落車, 落雪了, 

但我家魚仔同朗朗係唔驚凍, 

走唻走去又點會凍!!!

近JR站, 有免費浸腳, 咁鬼凍, 真係要浸下!

由布院出名浸温泉架!

沿途有好多小店

到處都係靚景, 啱晒我依個鐘意影相之人.

叫唔停的兩隻嘢!

gill仔: 婆婆帶上這副超, 真係好似一個殺手, 後面嗰個麻甩佬仲悠然自得慢步, 不知死活!

魚仔D電量仲勁過金霸王, 金霸王都有無電的一日, 

魚仔係可以全日都100%電, 太強!!!

b-speak出晒名食蛋糕, 又點可以唔食呢!

蛋糕唔太軟棉棉, 但cream好重牛奶味, 

愛CREAM同唔驚肥的人必食!

沿路, 只見過一次公園, 兩隻嘢又點會錯過!!!

gill仔: 朗朗, 你成頭都係頭皮woo

雪越落越大, 兩兄弟就越hyper

細佬喺日本買的第一樣嘢就係依把遮, 佢話太大雪, 

佢都要開遮!

寒天食雪糕, 百般滋味在心頭!

港童去旅行必做的一件事一定係睇動物,

都唔明點解! 

依度仲有貓頭鷹!

gill仔: 唔知點解日本所有動物都係靚過人
我: 係啊.....唔知點解日本所有女仔都係靚過人.......哈哈

有D似歐式小鎮

唻到由布院, 可能好多人都會遺留左去這個地方, 

九州自動車史館, 

主館仲係一個超級車迷, 

個個男童都鐘意車, 

啱晒朗同魚!

雖然我唔係愛車之人, 

但對復古, 古典這類別都相當有興趣!

愛影相的人必去啦!

仲可以玩駕駛飛機

朗: landing 啦...........

值得一去, 入場費又唔係貴, 取暧都好!

成日覺得河邊坐喺度這種情景好似大雄同多啦a夢

金鱗湖又係由布院必去的地方

又中大雄毒, 這間屋又話好似野比大雄間屋!

由布院雖然離博多有少少遠, 始終值得一去!!!

   HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度.... 

同我地做個朋友仔啦!!!! 

至於想了解最新韓國服飾, 請支持GILL仔ONLINE小店

LIKE 下我地啦!!!!!

好多正嘢買!!!!

https://www.facebook.com/pages/Studiocom/1514284038788236