好攰好攰.....散左啦
今日一起身就聴到咔咔聲,
去完澳門, 全個人散晒!
今日到我鴻仔接力寫澳門之旅下集,
上回講到我地一朝早就去左大三巴暴曬,暴曬過後,
鴻仔 . 明白了
經過一番商討之後,
唔再暴曬, 去科學館!
網上好潮如評的科學館,
據說非常適合小朋友去!
千奇百趣科學館
一入大門就見到神舟七號的航天員向我地呢班同胞問好啦!
同我地香港的科學館真係好唔同
身體力行地打機, 好爆趣!
仲有射擊王, gillgill
百發零中
3D打籃球, 十個趣
我咁大個人都未睇過真人入樽, 今日朗朗示範左比我睇! 好嘢!
好鐘意呢個遊戲, 朗朗魚仔又上一課!!!
小朋友大愛.......玩水
科學館絶對推介比所有家長, 去澳門必去, 好玩有趣, 小朋友必定鐘意!
一玩就玩左兩個鐘
每次來到澳門, 都一定會來瑪嘉烈蛋撻店食個萄撻
見到張相, 我都好想食多次!!!正正正!
再去左威尼斯食嘢, 唔知係唔係太多內地同胞喺呢度消費!!!
買嘢食時, 所有服務員都向我講國語,
我唯有用我最爛的國語同佢地講"抱國支飯, 唔佳!!!!"
"寧Y, 禾楂屎誇錢.........痴死"
服務員聴到O晒咀, 目定口呆, 陰陰咀笑"其實你可以講白話, 唔好咁辛苦啦"
恕我不能聲音演繹比大家聴,
基本上我講親國語, 個個都會忍唔住笑我, 來吧, 笑吧!!!
我翻譯
"萄國雞飯, 唔該!!!"
"另外, 我加十塊錢......汽水"
最後去左盧家大屋影相
澳門之旅(完)
講真, 帶住兩隻仔去澳門玩兩日,
我已經散晒啦!!!
真係估唔到五個大人兩個細佬,
咁都可以比佢地玩殘!
