超級開心, 十級快樂
又一個舊同事聚會....
其實, 我後生時, 都做過好幾份工
舊同事都叫一籮籮架....
不過..... 好多都再冇聯絡啦....
唯獨佢地幾個.....
仲記得, 0個時我好鐘意呢份工架!
除左本身份工有挑戰性之外,
我地條 team, 個個都後生女
年紀又差唔多, 又好多共同話題,
日日食lunch時, 就成班八婆仔咁, 0係度講是講非,
真係開心到不得了架!
唉.....眨下眼....咁就十年有多了.....
Angel 同 Candice 就好啦, 仔大女大.......
過多幾年, 個女升埋中學, 就可以脫身添啦....
終於明白, 呢個世界.....真係早生早享受!!!!!
我呢0的遲生0既, 個仔仲咁細, 有排捱呢.....
好, 無謂野唔講
講下0個日海洋公園聚舊喪玩之旅先
去相
四個 family7位小朋友
最大0既兩位姐姐, 今年10歲
最細0既魚仔細佬, 得4碎
幸好, 都叫啱傾啱玩!!!!
其實之前已經想入海洋公園, 玩下佢個 海綿寶寶夏水派對架喇!
不過早排唔係太曬, 就落雨
呢日, 真係天氣啱啱好!
陰陰天, 又冇落雨! 正!
0個兩兄弟.....一聽到話去海綿寶寶夏水派對, 就堅持要著泳衣.....
同佢地講: 入去到海洋公園先換泳衣啦物!!!!
佢地死都唔肯......真係冇佢地扶......
初時以為夏水禮會好多人
點知, 又唔係喎!
佢地勁鐘意呢個大水桶囉.....
開心到呢.....
逗留左一陣子
我地又要閃閃閃啦!
今次有海洋公園全新「海洋快證」
坐纜車完全唔駛排隊! 真係爽爽爽哦!
仲記得對上一次入海洋公園
大大話話, 排纜車都排左45分鐘以上呀!
所有機動遊戲動不動就排半個鐘以上
真係排隊都排左大半日, 玩到個人勁無癮哦.....
而家買個快證
用快速入口 Fastrack
幾乎所有機動遊戲, 都唔需要排, 就立即可以玩
大人小朋友慳返唔少排隊時間
俾番些少資訊大家
「海洋快證」詳情:
「海洋快證」適用於下列機動遊戲及設施:
價錢 : HK$150 (成人與小童同價)
購買地點：公園入口處票務部、歷奇百貨、北極購物村、
網上購買：https://ticketing.
價錢 : HK$150 (成人與小童同價)
購買地點：公園入口處票務部、歷奇百貨、北極購物村、
呵, 開心開心
其實我都好鐘意坐纜車架
坐住吹吹風, 睇下風景, 舒舒服服
轉眼間, 就去到冰極天地了
0的企鵝真係好得意哦
而且游水游得勁快..... 0的小朋友睇得出奇的興奮!!!
睇完企鵝睇海豚
仲係第二次睇海豚表演.....感覺好新奇.....哈....
我玩到超攰呀
但佢地班小朋友, 仲係有無窮無盡0既電力囉....
後來, 仲要去埋兒童王國玩捉添....
真係年輕可謂!
阿媽我.....五體投地, 深感佩服!
0個晚, 竟然能夠玩到九點先走人囉.....太勁啦佢地.......
今次舊同事之約實在太太太好玩啦
小朋友有小朋友喪玩
大人有大人傾計.....
兒女經....真係講極都講唔完架....
下次, 再黎過!
HEHEEE…
我地最近開左個 FACEBOOK 專頁呀
再 LIKE 一 LIKE 0個度....
同我地做個朋友仔啦!!!!