有感而發
唔知點解, 每一次睇到呢類型0既短片
總係會忍唔住, 諗番起朗朗同魚仔bb .....
bb 時代0既佢地, 真係超級勁可愛架....
兩隻野都肥0都0都, 儍豬豬, 一舊飯咁....
而且當年佢地係....唔會駁咀的........
同而家, 真係兩碼子0既事.....
好, 等我分享下條短片俾大家睇睇先....
唔知大家又會唔會同我一樣, 咁有共鳴呢......
哈.....即時忍唔住
要回顧下細佬豬初出道個樣
呢張相, 係0係婆婆坐月時影架
當時佢出世一日咋....
係咪好細粒, 好得意呢?????
回想起黎, bb 啱啱出世
真係超級勁辛苦....
晚晚都餵奶餵到冇覺好訓......
第二朝, 只要bb一醒, 就要立即同佢埋身肉搏....
有時, bb夜媽媽發惡夢, 扭計, 爆喊.....咁就大獲啦.....
你知啦, 我地坐月唔駛番工0者....老公唔係架嘛....
佢生活忙碌, 嘈醒佢, 大罪黎架.....
為左讓老公能夠成為甜睡寶寶.....
我地做媽媽0既, 真係要24小時, 隨時候命......
辛苦工黎架真係......
雖然, 湊佢地真係一件好辛苦0既事
但辛苦, 我仲係覺得值得0既.....
睇住佢地一日一日長大.....健健康康
兩兄弟又相親相愛
又睇住佢地由一個唔懂事0既bb,
變成而家能夠同你盡訴心中情0既小男孩
真的覺得一切來得好奇妙.....
或者咁講啦.....其實睇住佢地成長....
我真心覺得, 係一件好幸福0既事黎架
0係這些年裡面
我由一個乜都唔識0既新手媽媽
到現在竟然學會換尿片, 幫bb沖涼, 洗衫, 打掃, 煮飯等等等等....
真的..... 連我自己, 都進步左唔少呢.....
一直都好感恩
0係我0既生命之中, 能夠遇上呢三個男人
呢幾年.... 雖然照顧佢地, 讓我覺得好疲累, 好艱辛....有時....仲好激心
但其實.....佢地的的確確, 俾左好多歡樂我.....
同佢地一齊, 每一刻鐘, 都讓我感到好難忘
只要佢地簡單講一句, 媽媽.....我想你陪住我呀.....
媽媽, 可唔可以呵番我.....
聽到.....已經感到好窩心, 好心滿意足啦.....
朗朗, 魚仔.....
你地0既將來, 媽媽真係唔敢諗
0係香港生活, 讀書真的不容易哦....
媽媽心裡面只係想你地健康活潑地成長
咀角每日都掛上笑容....
我會努力陪住你地成長
伴你地渡過每一個春夏秋冬
盡我0既能力, 俾最好, 最優質0既親子時間俾你地
願望, 你地都覺得自己0係童年, 係快樂的.....
愛你地哦....
香港媽媽不易做, 大家努力
共勉之
最後
再分享埋呢三條短片俾大家
一睇番, 就好似重溫當年一樣......
